عراقی فورسز نے باقی بچے دھشت گردوں کا صفایاکرنے کے لئے ارادۃ النصر نامی کارروائی کے چوتھے مرحلے کا صوبہ الانبار کے صحرائی علاقوں میں آغاز کردیا ہے۔
عراق کی مشترکہ آپریشنل کمان کے سربراہ عبدالامیر رشید یاراللہ نے ھفتے کو ایک بیان میں اس بات پر زور دیتے ھوئے کہ ارادۃ النصر نامی کارروائی کے تیسرے مرحلے کے اھداف کو پوری طرح حاصل کرلیا گیا ہے کھا کہ اس کارروائی کے چوتھے مرحلے میں صوبہ الانبار کے وسیع صحرائی علاقوں اور بعض دیگر حصوں میں باقی بچے داعش کے سبھی عناصر کا صفایا کردیا جائے گا ۔
عراق کی مشترکہ آپریشنل کمان کے سربراہ نے کھا کہ اس کارروائی میں الجزیرہ آپریشنل کمان ، الانبار آپریشنل کمان ، قبائلی فورسز اور الحشد الشعبی جیسی فورسز حصہ لے رھی ہیں جبکہ صوبہ الانبار کی پولیس اور عراقی فضائیہ بھی اس کارروائی میں شریک ہے -
ارادۃ النصر فوجی کارروائی کے تیسرے مرحلے می‍ں جو گذشتہ چند روز کے دوران انجام پائی دیالہ اور نینوا صوبوں کے پچیس گاؤں میں موجود داعشی دھشت گردوں کا صفایاکردیا گیا اور ان کے قبضے سے بھاری مقدار میں اسلحہ اور گولہ بارود بھی ضبط کیا گیا -
اس کارروائی میں اٹھارہ داعشی دھشت گرد گرفتار اور چار دیگر ھلاک ھوگئے ہیں -
عراقی فورسز نے ارادۃ النصر فوجی کارروائی سات جولائی کو شروع کی تھی اور اب تک اس کے تین مرحلے انجام پا چکے ہیں - عراقی افواج نے دسمبر دوھزار سترہ میں داعش کے خلاف جنگ میں فتح کا اعلان کردیا تھا تاھم باقی بچے داعشی عناصر کا صفایا کرنے کے لئے کارروائیاں جاری رھتی ہیں۔

Add comment