لبنان کے صدر نے جنوبی بیروت پر صھیونی حکومت کے ڈرون حملے کی مذمت کرتے ھوئے اسے اسرائیل کے جارحانہ اھداف کی علامت قرار دیا ہے۔
رپورٹوں کے مطابق جنوبی بیروت کے ضاحیہ علاقے میں صھیونی حکومت کے دو ڈرون طیاروں نے حملہ کیا تھا جنھیں مار گرایا گیا ہے۔ صھیونی ڈرون طیارے اپنے معینہ اھداف حاصل کرنے میں کامیاب نھیں ھو سکے تھے۔
المنار ٹی وی کی رپورٹ کے مطابق لبنان کے صدر میشل عون نے صھیونی حکومت کے ڈرون حملوں پر ردعمل ظاہر کرتے ھوئے کھا کہ یہ حملہ اس بات کا تازہ ثبوت ہے کہ صھیونی حکومت لبنان اور علاقے کے امن و ثبات کو نشانہ بنائے ھوئے ہے۔
لبنان کے وزیر داخلہ ریاالحسن نے بھی جنوبی بیروت پر صھیونی حکومت کے ڈرون طیاروں کی جارحیت کو لبنان کے اقتدار اعلی اور قرارداد ستّرہ سو ایک کی کھلی خلاف ورزی قرار دیا ہے۔
لبنان کی وزارت خارجہ نے بھی ایک بیان جاری کر کے صھیونی حکومت کی جانب سے لبنان کے فضائی حدود کی بار بار خلاف ورزی کئے جانے پراقوام متحدہ کی سلامتی کونسل میں شکایت کرنے کا عزم ظاھر کیا ہے۔
لبنانی شیعہ گروپ مجلس اعلائے اسلامی کے سربراہ عبدالامیر قبلان اور لبنان کے وزیراعظم سعد الحریری نے بھی جنوبی بیروت میں صھیونی حکومت کے ڈرون حملے کو لبنان کے اقتدار اعلی کی کھلی خلاف ورزی قرار دیا اور اس کی مذمت کی ہے۔

Add comment