امریکی وزارت جنگ نے ایک بار پھر عین الاسد فوجی اڈے پر ایران کے میزائلی حملے میں اپنے زخمی فوجیوں کی تعداد میں اضافے کی خبر دی ہے اور اعلان کیا ہے کہ ان حملوں میں 64 امریکی فوجی برین انجری کا شکار ھوئے ہیں۔
امریکی ٹیلی ویژن چینل سی این این نے دو امریکی حکام کے حوالے سے کھا ہے کہ عین الاسد فوجی اڈے پر ایران کے میزائلی حملے میں اب تک 64 امریکی فوجی برین انجری کا شکار ھوئے ہیں۔
اس سے قبل پنٹاگون کے ترجمان تھامس کمپبل نے بدھ کی صبح ایک بیان میں کھا تھا کہ اب تک 50 امریکی فوجی زخمی ھوئے ہیں۔
کمپبل نے کھا کہ مزید اٹھارہ فوجیوں کو معائنوں اور مکمل علاج کے لئے جرمنی منتقل کیا گیا ہے۔
ایران نے سپاہ قدس کے کمانڈر شھید جنرل قاسم سلیمانی اور ان کے ساتھیوں کے بزدلانہ قتل کا انتقام لینے کے لئے بدھ آٹھ جنوری کو عراق میں امریکہ کے عین الاسد فوجی اڈے کو میزائلی حملوں کا نشانہ بنایا تھا۔
اگرچہ امریکی صدر ٹرمپ نے دعوی کیا تھا کہ ایران کی انتقامی کارروائی میں کوئی فوجی ھلاک یا زخمی نھیں ھوا تاھم واشنگٹن نے بتدریج امریکی فوجیوں کے زخمی ھونے کا اعتراف کیا اور اب زخمیوں کی تعداد پچاس بتائی ہے۔
امریکی وزرات جنگ پنٹاگون نے اس سے قبل اعتراف کیا تھا کہ ایران کے میزائلی حملے میں چونتیس امریکی فوجیوں کو دماغی چوٹیں پھنچی ہیں۔

Add comment