اسلامی جمھوریہ ایران کا کھنا ہے کہ جدہ میں اسلامی تعاون تنظیم کے ھیڈکواٹر میں سینچری ڈیل کا جائزہ لینے کے لئے منعقد اجلاس میں ایرانی وفد کی شرکت میں سعودی حکومت رکاوٹیں پیدا کر رھی ہے۔
رپورٹ کے مطابق امریکی صدر ڈونلڈ ٹرمپ کی جانب سے سینچری ڈیل کی رونمائی کے بعد فلسطینی انتظامیہ اور اسلامی تعاون تنظیم کے سکریٹری جنرل کی تجویز پر رکن ممالک کے وزرائے خارجہ کی سطح کا اجلاس تین فروری کو اسلامی تعاون تنظیم کے ھیڈکواٹر میں رکھا گیا ہے جس میں سینچری ڈیل کے منصوبے کا جائزہ لئے جانے کے بعد رکن ممالک کے موقف کا اعلان کیا جائے گا۔
اس اجلاس میں شرکت کے لئے اسلامی تعاون تنظیم کے سیکریٹری جنرل نے ایران کو بھی دعوت دی تھی مگر سعودی حکومت نے اجلاس کے میزبان ھونے کی حیثیت سے بین الاقوامی ضابطوں کی خلاف ورزی کی اور ایران کی شرکت کے راستے میں رکاوٹ پیدا کر دی۔
سید عباس موسوی کا کھنا تھا کہ ایران کے نائب وزیر خارجہ حسین جابر انصاری کی سربراھی میں ایک وفد اس تنظیم کے اجلاس میں جانے والا تھا مگر سعودی حکومت نے انھیں ویزا جاری نھیں کیا۔
ترجمان وزارت خارجہ کا کھنا تھا کہ اسلامی تعاون تنظیم کے بعض اراکین نے سعودی عرب کے اس اقدام کی مذمت کرتے ھوئے اس پر اس تنظیم کی میزبانی سے ناجائز فائدہ اٹھانے کا الزام عائد کیا ہے۔
سید عباس موسوی نے کھا کہ ایران نے باضابطہ طور پر اسلامی تعاون تنظیم کے ھیڈ کواٹر کو بھیجے گئے ایک پیغام میں اپنا اعتراض درج کرایا ہے جسے تنظیم کے اراکین کے درمیان بھی تقسیم کیا جائے گا۔
