امریکی صدر ڈونالڈ ٹرمپ کے شرمناک منصوبے سینچری ڈیل کے خلاف مختلف ممالک اور غیرملکی شخصیات کے ردعمل کا سلسلہ جاری ہے تاھم سعودی عرب، متحدہ عرب امارات اور بحرین، فلسطین مخالف اس ظالمانہ منصوبے کی حمایت کر رھے ہیں۔
صدر ڈونالڈ ٹرمپ کی جانب سے امریکی صھیونی سازش سینچری ڈیل کی رونمائی کے بعد، محدود اختیارات کی حامل فلسطینی انتظامیہ اور اسلامی تعاون تنظیم کے جنرل سیکریٹری کی تجویز پر او آئی سی نے سعودی عرب کے شھر جدہ میں واقع اپنے ھیڈ کوارٹر میں پیر کو رکن ممالک کے وزرائے خارجہ کا اجلاس طلب کیا ہے۔
سعودی عرب، او آئی سی کی ایگزیکٹیو کمیٹی کے اس ھنگامی اجلاس میں قانون کے برخلاف اسلامی جمھوریہ ایران کے وفد کو شرکت کی اجازت نھیں دے رھا ہے۔
ایران کی وزارت خارجہ کے ترجمان سید عباس موسوی نے ریاض کے اس غیرقانونی اقدام پر ردعمل ظاھر کرتے ھوئے کھا کہ اسلامی تعاون تنظیم کے سیکریٹری جنرل کی جانب سے اسلامی جمھوریہ ایران کو اس اجلاس میں شرکت کی دعوت دیئے جانے کے باوجود سعودی عرب نے ایرانی وفد کیلئے ویزہ جاری نھیں کیا۔
دوسری جانب فرانس کے وزیر خارجہ جان ایو لودریان نے ڈونالڈ ٹرمپ کو مخاطب کرتے ھوئے کھا ہے کہ موجودہ حالات میں خودسرانہ انداز میں یکطرفہ اقدامات کا کوئی فائدہ نھیں ہے اور پیرس، اقوام متحدہ میں سینچری ڈیل کے بارے میں گفتگو کے لئے فلسطینیوں کے مطالبات کی حمایت کرتا ہے۔
فرانس کے صدر امانوئل میکرون نے بھی تیس جنوری کو کھا تھا کہ قیام امن کے لئے فریقین کا راضی ھونا ضروری ہے اور صرف ایک فریق کی مرضی سے امن قائم نھیں ھو سکتا۔
کرملین کے ترجمان دمیتری پیسکوف نے بھی سینچری ڈیل کے ظالمانہ منصوبے کو اقوام متحدہ کی قراردادوں کے منافی قرار دیا اور کھا کہ سینچری ڈیل پر فلسطینیوں کے ردعمل سے اس امریکی منصوبے کی بقا و دوام کے بارے میں شکوک و شبھات بڑھ گئے ہیں۔
یورپی یونین کی خارجہ پالیسی کے انچارج جوزپ بورل نے اردن کے وزیر خارجہ سے ملاقات میں امریکہ کے سازشی منصوبے کو نام نھاد امن منصوبہ قرار دیا اور کھا کہ یہ منصوبہ، فلسطین کی حمایت میں اقوام متحدہ کی قراردادوں اور انیس سو سڑسٹھ کی سرحدوں سمیت بھت سے بین الاقوامی معاھدوں کو چیلنج اور مشکلات سے دوچار کردے گا۔
دنیا کے مختلف ممالک کی جانب سے سینچری ڈیل نامی ظالمانہ اور شرمناک منصوبے کی مخالفت کے باوجود امریکی صدر ٹرمپ کے داماد اور مشیر جیرڈ کوشنر نے دھمکی دی ہے کہ اگر اس منصوبے کے اھداف پورے نھیں ھوئے تو خودمختار فلسطینی مملکت کو تسلیم نھیں کیا جائے گا۔
جیرڈ کوشنر نے شرمناک سینچری ڈیل کی شکست و ناکامی پر پردہ ڈالنے کے لئے مزید کھا کہ اس منصوبے میں تبدیلی کے امکانات موجود ہیں۔

Add comment