العالم کی رپورٹ کے مطابق صھیونی فوجیوں نے جمعے کو شھر رام اللہ میں سینچری ڈیل کے خلاف ھونے والے مظاھروں کے شرکاء پر یلغار کردی۔
غرب اردن کے نعلین اور بعلین اور شمالی شھر الخلیل کے بیت امر علاقوں میں بھی فلسطینیوں اور غاصب صھیونی فوجیوں کے درمیان جھڑپیں ھوئیں۔ صھیونی فوجیوں نے اس دوران آنسوگیس کے گولے فائر کئے جس کے نتیجے میں فلسطینیوں کے دم گھٹنے لگے۔
کفرقدوم دیھات کے فلسطینیوں نے بھی سینچری ڈیل اور یھودی کالونیوں کی تعمیر کے خلاف مظاھرے کئے جسے کچلنے کے لئے صھیونی فوجیوں نے میٹل گولیاں فائر کیں اور گیس بم مارے جس کے نتیجے میں کئی بچوں سمیت متعدد فلسطینی زخمی ھوگئے۔
دوسری جانب تحریک حماس نے اعلان کیا ہے کہ فلسطینیوں کا اتحاد اور استقامتی محاذ امریکی صھیونی منصوبے سینچری ڈیل کو انجام تک پھنچانے کی تمام کوششیں ناکام بنا دے گا۔
العالم کی رپورٹ کے مطابق تحریک حماس کے ترجمان عبداللطیف القانوع نے ایک بیان جاری کر کے الفجرالعظیم کے زیرعنوان قائم کی جانے والی نماز صبح میں بڑے پیمانے پر شرکت کر کے مسجدالاقصی کی حمایت اور اس مقدس مقام کو تقسیم کرنے کی کوشش کو ناکام بنانے کا اعلان کیا اور پوری دنیا کو یہ پیغام دیا کہ وہ کسی کو بھی مقدس مقامات کو تقسیم نھیں کرنے دیں گے۔
تحریک حماس کے ترجمان القانوع نے تاکید کے ساتھ کھا کہ سینچری ڈیل کو ناکام بنانے کی سرگرمیاں بدستور جاری رھیں گی اور اس کے خلاف ملت فلسطین کا غم و غصہ ھر لمحہ بڑھتا جائے گا۔
غزہ پٹی، غرب اردن اور بعض اسلامی ممالک کے عوام نے جمعے کو مسجدالاقصی میں الفجرالعظیم کے زیرعنوان نماز صبح پڑھ کر مقبوضہ فلسطین میں اسلامی مقدسات کے تحفظ کی تحریک کا آغاز کیا۔ اس موقع پر غرب اردن کے جنین اور نابلس شھروں کی مسجدیں نمازیوں سے چھلکنے لگیں اور لوگوں کو اطراف کی سڑکوں پر اپنی صفیں قائم کرنا پڑیں۔
امریکی صدر ٹرمپ نے اٹھائیس جنوری کو صھیونی وزیراعظم نیتن یاھو کی موجودگی میں سینچری ڈیل کے نسل پرستانہ منصوبے کی رونمائی کی۔ سینچری ڈیل نامی شرمناک سازش کے تحت بیت المقدس کو صھیونی حکومت کا دارالحکومت بنا دیا جائے گا ، غرب اردن کی تیس فیصد زمینیں اسرائیل کو دے دی جائیں گی، پناہ گزیں فلسطینیوں کی وطن واپسی کا حق سلب کر لیا جائے گا اور انھیں پوری طرح غیرمسلح کردیا جائے گا۔

Add comment