مجلس علمائے ھند نے اس ملک کے وزیراعظم نریندر مودی سے مطالبہ کیا کہ وہ کسی دباو میں آئے بغیر ظالموں کا ساتھ دینے سے گریز کریں اور ملک کے ان کروڑوں باشندوں کے جذبات کو سمجھیں جو انسانی بنیادوں پر دھشت گردوں کی مخالفت کررھے ہیں۔
ھندوستانی میڈیا کے مطابق امریکہ کے صدر ڈونالڈ ٹرمپ کے ھندوستان کے دورے کے خلاف ھندوستانی عوام ایک بار پھر سراپا احتجاج ہیں اور اس ملک میں امریکی صدر کے دورہ ھندوستان کےخلاف آوازیں اور نعرے بلند ھورھے ہیں۔ اور لکھنو کے عوام نے جمعہ کی نماز کے بعد آصفی مسجد کے باھر مظاھرہ کیا اور سینکڑوں مظاھرین نے امریکہ کے صدر کے دورہ ھندوستان کی مخالفت ومذمت کرتے ھوئے شدید نعرے بازی کی ۔
مظاھرین سے خطاب کرتے ھوئےمولانا رضاحیدر ، مولانا نجم الحسن رضوی اور دیگر مقررین نے کھا کہ جس انداز سے ایک منصوبہ بند سازش اور سوچی سمجھی حکمت عملی کے تحت امریکہ نے پوری دنیا کو دھشت گردی کی آگ میں جھونک دیاہے اس سے یہ ثابت ھوچکا ہے کہ پوری دنیا میں جھاں جھاں دھشت گردی ہے وھاں وھاں امریکہ اور اس کی سازشیں کارفرما ہیں اورقاسم سلیمانی کی شھادت سے یہ پوری طرح واضح ھوچکا ہے کہ امریکہ اور اسرائیل ھر اس شخص اور ملک کے دشمن ہیں جو دھشت گردی کے خلاف ہیں اسے لئے کہ امریکہ کا مقصد دھشت گردی کو ختم کرنا نھیں بلکہ اسے فروغ دے کر اپنے جنگی ھتھیاروں کی سپلائی کو یقینی بناناہے ۔
واضح رھے کہ امریکی صدرڈونالڈ ٹرمپ اپنی اھلیہ اور خصوصی وفد کے ساتھ 24-25 فروری کو ھندوستان کا دورہ کرنے والے ہیں۔

Add comment