تحریک جھاد اسلامی فلسطین نے اپنے دو مجاھدین کی شھادت کی خبر دی ہے۔ درایں اثنا صھیونی حکومت کے جنگی طیاروں نے اتوار کی رات غزہ پٹی پر بمباری کی ہے۔
تحریک جھاد اسلامی نے ایک بیان میں اعلان کیا ہے کہ جھاد اسلامی کے قدس بریگیڈ سے تعلق رکھنے والے سلیم احمد سلیم اور زیاد احمد منصور پیر کی صبح شام کے دارالحکومت دمشق پر صھیونی حکومت کے حملے میں شھید ھو گئے۔
جھاد اسلامی نے اپنے بیان میں تاکید کے ساتھ کھا کہ دمشق میں اسرائیل کے بزدلانہ حملے سے فلسطین کے اندر القدس بریگیڈ کے مجاھدین کے مقابلے میں غاصب صھیونی حکومت کی شکست اور ناتوانی کی عکاسی ھوتی ہے۔
بعض ذرائع نے اعلان کیا ہے کہ یہ حملہ اسرائیل کے جنگی طیاروں نے انجام دیا ہے۔
صھیونی فوج نے دعوی کیا ہے کہ اس حملے کا مقصد دمشق میں تحریک جھاد اسلامی کی فوجی ونگ القدس بریگیڈ کے مراکز کو نشانہ بنانا تھا۔
دراین اثنا تحریک جھاد اسلامی فلسطین کے القدس بریگیڈ نے دعوی کیا ہے کہ غزہ پٹی میں صھیونیوں کے حالیہ جرائم کے جواب میں اس نے غزہ پٹی سے یھودی کالونیوں پر بیس راکٹ فائر کئے۔ اس سے قبل فلسطینی ذرائع نے اتوار کی رات غزہ پٹی پر صھیونی حکومت کے جنگی طیاروں کے حملے کی خبر دی تھی۔
فلسطینی ذرائع نے اعلان کیا ہے کہ صھیونی جنگی طیاروں نےغزہ پٹی کے شمالی علاقے بیت لاحیا، مشرقی علاقے حی الفتاح اور جنوبی علاقے خان یونس پر بمباری کی ہے۔
غزہ پٹی پر صھیونی جنگی طیاروں کی پرواز کا سلسلہ بدستور جاری ہے۔
صھیونی فوجیوں نے اتوار کو جنوبی غزہ پٹی میں فلسطینی جوان محمد الناعم کو شھید کرنے کے بعد نھایت وحشیانہ اور غیر انسانی حرکت کرتے ھوئے ان کی لاش پر بلڈوزر چڑھا دیا۔
یہ ایسی حالت میں ہے کہ صھیونی حکومت کے جنگی طیاروں ، ھیلی کاپٹروں اور ڈرونز ، گذشتہ ھفتوں کے دوران غزہ پٹی کے مختلف علاقوں کو کئی بار اپنی جارحانہ کارروائیوں کا نشانہ بناتے رھے ہیں۔
صھیونی حکومت نے دسمبر دوھزار سترہ سے غزہ پٹی پر اپنے حملوں کا نیا سلسلہ شروع کیا ہے ۔ غزہ پٹی پر صھیونی حکومت کے حملوں میں اب تک ھزاروں فلسطینی شھید اور زخمی ھوچکے ہیں ۔ غزہ پٹی دوھزار چھے سے اب تک مسلسل اسرائیل کے بحری ، بری اور فضائی محاصرے میں ہے اور غزہ پٹی کے باشندوں کو مختلف مسائل و مشکلات کا سامنا ہے۔

Add comment