نائیجیریا کے عدالتی حکام نے ایک بار پھر نائیجیریا کی اسلامی تحریک کے قائد آیت اللہ شیخ زکزکی کا مقدمہ ایک بار پھر التوا کا شکار کر دیا۔
فارس خبر رساں ایجنسی کی رپورٹ کے مطابق نائیجیریا کے عدالتی حکام نے اعلان کیا کہ آیت اللہ شیخ زکزکی کو آج عدالت میں پیش نھیں کیا گیا اور مقدمے کی اگلی تاریخ 23 اور24 اپریل 2020 رکھی گئی ہے۔ اس رو سے آیت اللہ شیخ زکزکی اور انکی اھلیہ کو جو جیل میں کافی بیمار بھی ہیں مزید 2 ماہ عدالت میں پیشی کیلئے انتظار کرنا پڑے گا۔
انسانی حقوق کے اسلامی کمیشن نے نائیجیریا کے حکام سے آیت اللہ شیخ زکزکی اور انکی اھلیہ کو رھا کرنے کی درخواست کی ہے ۔
آیت اللہ ابراھیم زکزکی اور انکی اھلیہ اُس وقت سے نائیجیرین فوج کی قید میں ہیں جب تیرہ دسمبر دو ھزار پندرہ کو فوج نے زاریا میں واقع حسینیہ بقیۃ اللہ پر حملہ کر کے سیکڑوں افراد کو شھید جبکہ شیخ ابراھیم زکزکی اور انکی اھلیہ کو شدید زخمی کر دیا تھا۔
اگست دوھزار انیس کو نائیجیریا کی عدالت نے بین الاقوامی دباؤ کے نتیجے میں آیت اللہ زکزکی اور ان کی اھلیہ کو علاج کی غرض سے ھندوستان جانے کی اجازت دی مگر وھاں پر معتمد ڈاکٹروں کے فقدان اور کچھ سیکورٹی مسائل کے سبب انھیں مجبورا نائیجریا واپس لوٹنا پڑا جس کے بعد ابوجا پھنچتے ھی انھیں حکومت نے دوبارہ حراست میں لے کر ایک نا معلوم مقام پر منتقل کر دیا۔اس وقت آیت اللہ زکزکی کی جسمانی صورتحال تشویش ناک بتائی جاتی ہے۔

Add comment