ایران کی وزارت خارجہ کے ترجمان نے ایران میں امریکی قیدی مائیکل ری وائٹ کی رھائی سے متعلق وضاحتیں پیش کیں۔
فارس خبر رساں ایجنسی کی رپورٹ کے مطابق اسلامی جمھوریہ ایران کی وزارت خارجہ کے ترجمان سید عباس موسوی نے امریکی قیدی مائیکل ری وائٹ کی جنھیں سیکیورٹی الزامات اور مدعیوں کی شکایت کی وجہ سے جیل میں سزا سنائی گئی تھی رھائی کا اعلان کرتے ھوئے کہا کہ وائٹ کی جانب سے مدعیوں کی مادی اور معنوی رضامندی حاصل کرنے ان کے دیگر جرائم کو اسلامی ھمدردی کے تحت معاف کئے جانے، اس کی سزا کا ایک حصہ گزرنے اور انسانی حقوق کے مدنظر جمعرات 6 جون کو جج کے فیصلے پررھا کیا گیا اور وہ ایران سے چلا گیا۔
ایران کی وزارت خارجہ کے ترجمان نے کہا کہ امریکی قیدی کی رھائی کے ساتھ بے بنیاد وجوھات اور الزامات کی بنا پر امریکی جیل میں قید ایرانی سائنسدان مجید طاھری کی رھائی کا حکم امریکی عدالت نے دیا اور وہ رھا ھو گئے۔
واضح رھے کہ امریکی قیدی مائیکل ری وائٹ کو سیکیورٹی الزامات اور مدعیوں کی شکایت کے سبب ایران کی عدالت نے قید کی سزا سنائی تھی۔

Add comment