عراقی فوج نے بتایا ہے کہ "ابطال العراق" آپریشن اپنے تمام اعلان شدہ اھداف کو حاصل کرنے کے بعد ختم ھو گيا ہے۔
عراقی فوج کے ترجمان بریگيڈیر یحیی رسول نے بتایا کہ کرکوک اور صلاح الدین صوبوں کو جوڑنے والے علاقوں میں چلائے گئے ابطال العراق (عراق کے ہیروز) آپریشن میں تمام مد نظر اھداف حاصل کر لیے گئے جس کے بعد اس آپریشن کے خاتمے کا اعلان کر دیا گيا ہے۔
یہ آپریشن وزیر اعظم مصطفی الکاظمی کے صوبۂ کرکوک کے دورے کے بعد شروع کیا گيا تھا جس کا مقصد کرکوک، صلاح الدین اور دیالہ صوبوں سے داعش کے دھشت گردوں کا خاتمہ کرنا تھا۔
عراقی فوج کے ترجمان نے بتایا کہ عراقی فورسز نے سات سو اڑتیس مربع کلو میٹر سے زیادہ کے علاقے کی مکمل چھان بین کی اور انھیں دھشت گردوں سے پوری طرح پاک کر دیا۔
یحیی رسول نے بتایا کہ اس مھم کے دوران بہت سے دھشت گرد مارے گئے اور بڑی تعداد میں گرفتار ھوئے جبکہ ان کے خفیہ ٹھکانوں کو تباہ کرنے کے علاوہ ان کے فوجی ساز و سامان ضبط کر لیے گئے۔

Add comment