نائیجیریا کے دارالحکومت اور مختلف دیگر شہروں میں اس ملک کی اسلامی تحریک کے رہنما کے طرفداروں کے مظاہروں کے بعد نائیجیریا کی سیکورٹی فورس نے مظاہرین پر حملہ کر دیا۔
نائیجیریا کی اسلامی تحریک کے رہنما علامہ شیخ ابراھیم زکزکی کے کیس کی سماعت ملتوی کئے جانے پر ان کے حامیوں اور طرفداروں نے نائیجیریا کے مختلف شہروں میں احتجاجی مظاہرے کئے اور شیخ زکزکی کی رہائی کا مطالبہ کیا۔
اسلامی تحریک کے رہنما کے خلاف کیس کی سماعت کو مارچ تک کے لئے ملتوی کر دیا گیا۔ اس سے قبل بھی اس کیس کی سماعت کو پچیس اور چھبیس جنوری تک ملتوی کر دیا گیا تھا۔
ابوجا ٹائمز ویب سائٹ کے مطابق ۲۵ جنوری کو سکیورٹی فورسز نے علامہ زکزکی کی حمایت میں مظاہرہ کر رہے تحریک اسلامی کے اراکین پر حملے کیا جس میں کم از کم ایک شخص شھید ہو گیا جبکہ چھے کو گرفتار کر لیا گیا۔
یاد رہے کہ سن دو ھزار پندرہ میں شمالی نائیجیریا کے صوبے کدونا میں اس ملک کی فوج اور سیکورٹی فورس نے علامہ زکزکی کے دینی مرکز پر وحشیانہ حملہ کر کے وہاں موجود سیکڑوں افراد کو شھید کر دیا تھا جبکہ شیخ زکزکی اور ان کی اہلیہ کو زخمی حالت میں اٹھا کر لے گئے تھے اور تب سے آج تک وہ بدستور فوجی جیل میں قید ہیں۔
نائیجیریا کی فوج کے اس بھیمانہ حملے میں علامہ زکزکی اور ان کی اہلیہ بری طرح زخمی جبکہ ان کے تین جوان بیٹے شھید ہو گئے تھے۔

Add comment