صھیونی حکومت کی فوج نے غزہ کے فلسطینی استقامتی گروھوں کے میزائلی حملوں کے خوف سے مقبوضہ فلسطین کے جنوب میں آئرن ڈوم سسٹم نصب کرنا شروع کردیا ہے۔
العھد نیوز ویب سائٹ نے خبردی ہے کہ غزہ میں فلسطینی استقامتی گروھوں کے جوابی اقدامات کے خوف سے صھیونی حکومت اپنا آئرن ڈوم سسٹم اب مقبوضہ فلسطین کے جنوب میں بسائی گئی غیر قانونی بستی اشدود میں نصب کرنے پر مجبور ھوگئی ہے۔
یہ ایسی حالت میں ہے کہ فلسطین کے استقامتی گروھوں نے پچھلے دنوں عوام سے اپیل کی ہے کہ وہ غزہ کی سرحدوں پر اپنے واپسی مارچ میں مزید شدت پیدا کردیں تاکہ غزہ سے متعلق ھونے والے سمجھوتے کی خلاف ورزیوں سے صھیونی حکومت کو روکا جاسکے۔
دوسری جانب صھیونی حکومت کے ٹرانسپورٹ کے وزیر نے رام اللہ میں فلسطینیوں کی حالیہ کارروائی کے ردعمل میں کھا ہے کہ غرب اردن پر پوری طرح سے قبضہ اور وھاں فلسطینی انتظامیہ کو تحلیل کردینا چـاھئے۔
جمعے کو غرب اردن کے شھر رام اللہ میں دستی بم کے دھماکے میں ایک صھیونی عورت ھلاک اور دو دیگر افراد زخمی ھوگئے۔

Add comment