چوراسی ویں حق واپسی مارچ پر صھیونی فوجیوں کی وحشیانہ فائرنگ میں کئی فلسطینی زخمی ھوئے ہیں۔ دوسری جانب حماس اور جھاد اسلامی فلسطین نے حق واپسی مارچ کے تسلسل کو فلسطینی جد و جھد کی تاریخ میں بے مثال قرار دیا ہے۔
فلسطین کی وزارت صحت کے جاری کردہ اعلامیے کے مطابق جمعے کی شام غزہ اور مقبوضہ فلسطین کی سرحد کے قریب ھفتہ وار گرینڈ واپسی مارچ میں شریک پرامن لوگوں پر صھیونی فوجیوں نے ایک بار پھر فائرنگ کی جس کی زد میں آکر کم سے کم پانچ فلسطینی زخمی ھوگئے۔
صھیونی فوجیوں نے حق واپسی مارچ میں شریک فلسطینیوں کو براہ راست فائرنگ کا نشانہ بنانے کے علاوہ ان پر زھریلی آنسو گیس کے گولے بھی داغے ہیں جس کے نتیجے میں درجنوں فلسطینیوں کی حالت غیر ھوگئی ہے اور انھیں اسپتال میں داخل کرانا پڑا ہے۔
اس ھفتے کے حق واپسی مارچ کا عنوان فلسطین ھمیں متحد کرے گا اور بیت المقدس ھمارا دارالحکومت ہے، رکھا گیا تھا۔
تیس مارچ دوھزار اٹھارہ سے اب تک یہ فلسطینیوں کا مسلسل چوارسی واں ھفتہ وار حق واپسی مارچ تھا۔
دوسری جانب حماس کے سینیئر رکن حسام بدران نے حق واپسی مارچ کو فلسطینیوں کی جدوجھد کی تاریخ میں بے مثال قراردیا ہے۔ حسام بدران کا کھنا تھا کہ حق واپسی مارچ کے نام سے جاری مظاھرے فلسطینی کاز کی تاریخ میں سنگ میل کی حیثیت رکھتے ہیں۔
ادھر جھاد اسلامی فلسطین کے رھنما محمد حمید نے بھی کھا ہے کہ تمام تر بندشوں اور محاصرے کے باوجود غزہ میں فلسطینیوں کی تحریک مزاحمت نے اچھوتی مثال قائم کردی ہے۔
انھوں نے کھا کہ غزہ کے عوام طویل عرصے سے جاری محاصرے کے نتیجے میں پیدا ھونے والی تمام تر مشکلات اور مصائب برداشت کرنے کے باوجود صھیونی حکومت کے خلاف تحریک مزاحمت کی بھرپور طریقے سے حمایت کر رھے ہیں جو اپنی مثال آپ ہے۔
فلسطینی عوام نے اپنے حقوق کی بازیابی کے لئے تیس مارچ دو ھزار اٹھارہ سے گرینڈ واپسی مارچ کا آغازکیا تھا جس کے تحت ھزاروں افراد ھر جمعے کو غزہ سے ملنے والی مقبوضہ فلسطین کی سرحدوں کی جانب مارچ کرتے ہیں۔ اس مارچ کا مقصد امریکی سفارت خانے کی بیت المقدس منتقلی اورغزہ کے ظالمانہ محاصرے کے خلاف احتجاج کرنا ہے۔
غاصب اسرائیل نے سن دو ھزار چھے سے غزہ کا محاصرہ کر رکھا ہے اور وہ وھاں بنیادی اشیا کی ضرورت کی ترسیل کی راہ میں شدید رکاوٹیں پیدا کر رھا ہے جس کے نتیجے میں غزہ کے فلسطینیوں کو غذائی اشیا، ادویات اور دواؤں کی شدید قلت کا سامنا ہے۔
تیس مارچ دو ھزار اٹھارہ سے جاری فلسطینیوں کے گرینڈ واپسی مارچ پر صھیونی فوجیوں کی فائرنگ کے نتیجے میں اب تک تین سو تیس سے زائد فلسطینی شھید اورکم سے کم بتیس ھزارزخمی ھو چکے ہیں۔

Add comment