امریکی پولیس نے ایک سعودی طالبعلم کو ھتھیار رکھنے کے الزام میں گرفتار کر لیا ہے۔
سعودی اخبار السبق کی رپورٹ کے مطابق امریکی پولیس نے اس رپورٹ کے بعد کہ ایک 28 سالہ سعودی طالب علم کو جو اپنے ایک کلاس فیلو کو قتل کرنے کا ارادہ رکھتے ہیں گرفتار کر لیا۔
امریکی پراسیکیوٹر نے جمعہ کے روز اس سعودی طالبعلم پرنیو میکسیکو یونیورسٹی میں غیر قانونی ھتھیار رکھنے پر فرد جرم عائد کیا۔
امریکی پولیس نے جمعرات کے روز اس سعودی طالبعلم کے گھر پر چھاپہ مارا اور وھاں سےھتھیار بر آمد کرنے کا دعوی کیا۔
واضح رھے کہ سعودی کیڈٹ محمد سعیدالشمرانی نے جو جنگی طیارہ اڑانے کی تربیت حاصل کرنے کے لئے امریکا گیا ھوا تھا گذشتہ جمعے کو ریاست فلوریڈا کی پنساکولا نیول بیس میں فائرنگ کرکے تین افراد کو ھلاک کردیا تھا۔ الشمرانی نے اس دھشت گردانہ اقدام سے قبل اپنے ٹویٹر پیج پر امریکی حکومت پر تنقید کی تھی - ریاست فلوریڈا کے گورنر ران ڈی سینٹیس نے سعودی عرب سے کھا ہے کہ وہ اس دھشت گردانہ حملے میں ھلاک ھونے والے فوجیوں کے اھل خانہ کو تاوان ادا کرے -
یہ پھلی بار نھیں ہے جب کسی سعودی شھری نے امریکا میں دھشت گردانہ کارروائی انجام دی ہے - گیارہ ستمبر دوھزار ایک کو پندرہ سعودی شھریوں نے چاردیگرافراد کے ساتھ مل کر چار مسافر طیاروں کو فضا میں اغوا کیا اور امریکا کی تاریخ میں سب سے بڑا دھشت گردانہ حملہ کیا -
ان سعودی باشندوں نے نیویارک کے ورلڈ ٹریڈ سینٹر اور واشنگٹن میں پنٹاگون کی عمارت پر حملہ کرکے تین ھزار افراد کو ھلاک کردیا - گیارہ ستمبر کے واقعے کے بعد امریکا کے اندر سعودی عرب کے خلاف شدید جذبات اور نفرت کی فضا پیدا ھوگئی لیکن امریکی سیاستدانوں نے سعودی عرب کے تیل اور سعودی دولت کی لالچ کے پیش نظر اپنی آنکھیں دھشت گردی کو پروان چڑھانے والی اور دھشت گردانہ نظریات کی حامل آل سعود حکومت کی طرف سے بند کرلیں -

Add comment