امریکا نے افغانستان سے 4 ھزار فوجی واپس بلانے کی تیاری کرلی جس کا اعلان اگلے ھفتے تک متوقع ہے۔
امریکی نشریاتی ادارے سی این این کے مطابق فوجی واپس بلانے کے حوالے سے ٹرمپ انتظامیہ تیاری کرچکی ہے جس کا باضابطہ اعلان جلد متوقع ہے جب کہ سینئر امریکی عھدیدار نے بھی اس فیصلے کی تصدیق کردی ہے اور کھا ہے کہ اس فیصلے کا اعلان اگلے ھفتے تک متوقع ہے۔
قبل ازیں امریکی صدر ڈونلڈ ٹرمپ اس بات کا اشارہ دے چکے ہیں کہ وہ افغانستان سے کئی ھزار امریکی فوجیوں کی واپسی کا ارادہ رکھتے ہیں جھاں 12 سے 13 ھزار امریکی فوجی گزشتہ 18 برس سے اس ملک کے نھتے اور مظلوم عوام پر قابض ہیں۔
اگست میں امریکی صدر ڈونلڈ ٹرمپ نے امریکی ریڈیو فوکس نیوز کو انٹرویو دیتے ھوئے کھا تھا کہ ھم افغانستان میں تعینات امریکی فوجیوں کی تعداد 8600 تک لے آئیں گے ۔
واضح رھے کہ افغانستان میں تعینات امریکی فوجیوں کی تعداد میں بتدریج کمی سے یہ واضح اشارے مل رھے ہیں کہ امریکہ کو افغانستان میں شکست ھوئی اور اپنی اس شکست پر پردہ ڈالنے کیلئے اب امریکہ نے طالبان کے ساتھ مذاکرات شروع کرنے کا ڈھونگ رچایا ہے۔

Add comment