عراقی پارلیمنٹ نے اتوار کی شام، امریکہ سمیت تمام غیر ملکی فوجیوں کے انخلا کا بل بھاری اکثریت سے پاس کردیا ہے۔
عراقی پارلیمنٹ کے ھنگامی اجلاس میں ایران کی قدس فورس کے کمانڈر جنرل قاسم سلیمانی اور عراق کی عوامی رضاکار فورس الحشدالشعبی کے ڈپٹی کمانڈر ابومھدی المھندس کو قتل کرنے کے لیے عراقی سرزمین کے استعمال پر شدید غم و غصے کا اظھار کرتے ھوئے، امریکی فوجیوں کے انخلا سے متعلق مسودہ قانون کی منظوری دی گئی۔
عراقی پارلیمنٹ کا اجلاس مردہ باد امریکہ اور مردہ باد اسرائیل کے نعروں سے شروع ھوا۔
عراق کے کیرٹیکر وزیراعظم عادل عبدالمھدی نے اجلاس سے خطاب کرتے ھوئے اراکین پارلیمنٹ سے مطالبہ کیا کہ وہ ملک سے امریکی فوجیوں کے فوری انخلا کے حق میں ووٹ دیں۔
انھوں نے عوامی رضاکار فورس حشدالشعبی کو ملک کی سیکورٹی سسٹم کا حصہ قرار دیتے ھوئے، اس فورس کے اھداف پر امریکی حملوں کی شدید الفاظ میں مذمت کی۔
وزیراعظم عادل عبدالمھدی نے دھشتگردی کے خلاف جنگ میں ایران کے تعاون کی قدردانی کرتے ھوئے کھا کہ اس عرصے کے دوران ایران نے ھمارے ملک میں داعش کے خلاف جنگ میں موثر کردار ادا کیا ہے اور ھمارے عوام اور سیکورٹی اداروں کی بھرپور مدد کی ہے۔

Add comment