عراق میں امریکا کے خلاف ملین مارچ کے انعقاد کے موقع پر امریکا اور سعودی عرب سے وابستہ میڈیا چینل مظاھروں کا رخ فساد اور بلوؤں میں تبدیل کرنے کی کوشش کر رھے ہیں۔
فارس نیوز ایجنسی کی رپورٹ کے مطابق عراق میں مظاھرین نے ملک کے صدر برھم صالح کو پیر تک نئے وزیر اعظم کو نامزد کرنے کی مھلت دی تھی۔ مھلت ختم ھوتے ھی عراق میں مظاھروں کا سلسلہ پھر سے شروع ھو سکتا ہے۔ سعودی عرب اور امریکا کے کچھ میڈیا چینل حکومت مخالف مظاھروں کو اشتعال دلانے کی مسلسل کوشش کر رھے ہیں۔
مثال کے طور پر امریکی چینل الحرۃ نے کچھ مقالے شائع کئے جن کا عنوان تھا انتظار کی گھڑیاں ختم ھوئيں اور ایران کے کمزور ارادوں کے ساتھ عراق میں مظاھرین کی مد نظر حکمت عملی۔ اس چینل نے عراق میں نئے تخریبی اقدامات انجام دینے کے لئے مظاھرین کو سڑکوں پر اترنے کی دعوت دی ہے۔
بغداد الیوم نامی ویب سایٹ نے ناصریہ میں مظاھرین کی جانب سے عراق کے سیاسی حکام کو دی گئی مھلت کی جانب اشارہ کرتے ھوئے لکھا ہے کہ جیسا کہ امید ہے کہ مظاھرین کی جانب سے دی گئی مھلت کے ختم ھونے کے بعد سڑکوں پر مظاھروں کا سلسلہ تیز ھوگیا اور کچھ مظاھرین نے بغداد کی سڑکوں کو بند کر دیا ۔
متحدہ عرب امارات کے عربی زبان میں چلنے والے چینل اسکائی نیوز نے بھی عراق میں مظاھروں پر انپی خاص رپورٹ پیش کی اور بغداد میں سیکورٹی کے سخت انتظامات کی جانب اشارہ کرتے ھوئے متعدد مظاھرین کے زخمی اور ھلاک ھونے کی خبر دی ہے۔

Add comment