اسلامی جمھوریہ ایران کے صدر اور کابینہ کے اراکین نے اسلامی انقلاب کی کامیابی کی اکتالیسویں سالگرہ کے موقع پر بانی انقلاب اسلامی کے مزار پر حاضری دی اور آپ کے اھداف و مقاصد سے تجدید عھد کیا۔
ایران کے صدر حسن روحانی نے اپنی کابینہ کے اراکین کے ھمراہ بانی انقلاب اسلامی حضرت امام خمینی (رح) کے مزار پر حاضری دی اور فاتحہ خوانی کے ساتھ ہی معمار انقلاب رھبر کبیر انقلاب اسلامی کو خراج تحسین پیش کیا۔
ایران کے صدر ڈاکٹر حسن روحانی نے اتوار کو بانی انقلاب اسلامی حضرت امام خمینی ﴿رح﴾ کے مزار مقدس پر خطاب کرتے ھوئے کھا کہ جارحین کے مقابلے میں استقامت و پائداری کے سوا کوئی راستہ نھیں ہے۔
انھوں نے کھا کہ ایران کشیدگی اور مقابلہ آرائی کی پالیسی کو پسند نھیں کرتا تاھم نہ ھی ذلت کی پالیسی تسلیم کرے گا اور نہ ھی گھٹنے ٹیکے گا۔
صدر روحانی نے ایران کے خلاف دشمنوں کی شدید پابندیوں کی جانب اشارہ کیا اور کھا کہ ملت ایران کویقین ہے کہ اسلامی نظام صحیح راستے پر گامزن ہے اور ظلم و جارحیت دشمنوں کی جانب سے ھو رھا ہے۔
صدر حسن روحانی نے کھا کہ دشمن نے نہ صرف یہ کہ ملت ایران پر ظلم کیا ہے اور کر رھا ہے بلکہ دنیا بھر کے مسلمانوں اور فلسطین کی مظلوم قوم پر ظلم کر رھا ہے۔
اسلامی جمھوریہ ایران کے صدر نے اس بات کی جانب اشارہ کرتے ھوئے کہ سینچری ڈیل تاریخ کا سب سے بڑا امریکی ظلم ہے تاکید کی کہ پوری دنیا کے مسلمان حریت پسند اس شرمناک منصوبے کے خلاف ہیں۔
صدر مملکت اور ان کی کابنیہ کے اراکین نے اسلامی انقلاب کی عظیم الشان کامیابی کی اکتالیسویں سالگرہ کے موقع پر بانی انقلاب اسلامی کے مزار پر حاضر ھو کر آپ اور شھدائے انقلاب کے اھداف سے تجدید عھد کیا ۔
صدر مملکت اور ان کی کابینہ کے اراکین نے اس موقع پر شھدائے انقلاب کے مزاروں پر بھی حاضری دی اور فاتحہ خوانی کی۔اکتالیس سال قبل بارہ بھمن تیرہ سو ستاون ھجری شمسی مطابق یکم فروری انیس سو اناسی عیسوی کو بانی انقلاب اسلام اسلامی خصرت امام خمینی ﴿رح﴾ نے پندرہ سال کی جلاوطنی کے بعد سرزمین ایران پر قدم رکھا جھاں عوام نے آپ کا بےمثال اور پرتپاک استقبال کیا۔ حضرت امام خمینی کی وطن واپسی کے دس روز بعد بائیس بھمن مطابق گیارہ فروری انیس سو اناسی عیسوی میں ایران کا عظیم الشان اسلامی انقلاب کامیابی سے ھمکنار ھوا۔

Add comment