یمنی ذرائع نے سعودی عرب کے ایک اور جاسوس ڈرون طیارے کو فوج اور رضاکار فورس کے ہاتھوں سرنگوں کئے جانے کی اطلاع دی ہے۔
المسیرہ ٹی وی کی رپورٹ کے مطابق یمن کے ائیر ڈیفنس سسٹم نے الحدیدہ بندرگاہ کے 16 کیلومیٹر نامی علاقے میں سعودی عرب کے ایک جاسوس ڈرون کو مار گرایا ہے۔
یمنی فوج نے اس سے پہلے پانچ فروری کو الحدیدہ صوبے کے التحیتا قصبے کے ایک الجبلیہ علاقے میں بھی سعودی عرب کے جاسوس ڈرون کو مار گرایا تھا۔
یمن کی مسلح افواج کے ترجمان نے حال ھی میں کھا تھا کہ یمن کے شدید محاصرے کے باوجود ملک کے دفاعی سسٹم میں زبردست پیشرفت ھوئی ہے اور یمن کی فوج اور رضاکار فورس اب تک جارح اتحاد کے درجنوں جاسوس طیارے سرنگوں کر چکے ہيں۔
دو ھزار پندرہ سے سعودی اتحاد کی جنگ کا سامنا کر رھے یمنی عوام اور مجاھدین تمام تر اقتصادی، معیشتی اور طبی مشکلات کے باوجود اپنی فوجی و دفاعی ترقی کے سفر کو جاری رکھے ھوئے ہیں جس نے جارح آل سعود کو سخت تشویش میں مبتلا کر دیا ہے۔
سعودی عرب کی حکومت امریکہ ، متحدہ عرب امارات اور چند دیگر ممالک کی مدد سے مارچ دوھزار پندرہ سے یمن پر جارحانہ حملے کر رھی ہے اور اس کا زمینی فضائی اور بحری محاصرہ کئے ھوئے ہے۔
سعودی عرب اور اس کے اتحادیوں کے جارحانہ حملوں کی وجہ سے یمن میں اب تک سولہ ھزار سے زیادہ شھری شھید ، دسیوں ھزار زخمی اور لاکھوں یمنی دربدر ھوچکے ہیں۔
سعودی عرب کی فوجی جارحیت کے نتیجے میں غریب عرب ملک یمن کو غذاؤں اور دواؤں کی شدید قلت کا سامنا ہے تاھم یمنی عوام کی استقامت کے نتیجے میں اب تک جارح سعودی اتحاد کو اپنا کوئی بھی ھدف حاصل نھیں ھو سکا ہے۔

Add comment