ٹرمپ نے دعوی کیا ہے کہ طالبان اور امریکہ کے مابین مذاکرات کامیاب ھوں گے۔
امریکی صدر ڈونلڈ ٹرمپ نے آئی ھارٹ ریڈیو سے گفتگو کرتے ھوئے کھا کہ امریکا افغانستان سے اپنے فوجیوں کو وطن واپس لانے کے لیے طالبان کے ساتھ امن معاھدے کے لیے کام کر رھا ہے اور اب وقت آ گیا ہے کہ امریکا افغانستان سے اپنی فوج واپس بلا لے۔امریکا اور طالبان کے نمائندے تقریبا18 ماہ سے قطر کے دارالحکومت دوحہ میں مذاکرات کر رھے ہیں، جس کے دوران مذاکرات اکثر کشیدگی کا شکار بھی رھے ہیں۔
ذرائع کا کھنا ہے کہ امریکہ جاری مذاکرات میں زیادہ سے زیادہ مراعات حاصل کرنا چاھتا ہے اور امریکہ کی یہ کوشش ہے کہ ایک جانب افغانستان میں اپنی شکست پر پردہ ڈالے اور دوسری جانب یہ دکھا سکے کہ اسے اس ملک میں شکست نھیں ھوئی بلکہ وہ اپنی مرضی سے نکل رھا ہے اور ٹرمپ اس کارڈ کو صدارتی انتخابات میں کامیابی حاصل کرنے کیلئے استعمال کرنا چاھتا ہے ۔
واضح رھے کہ امریکا افغانستان میں 17 برسوں سے جاری جنگ میں بری طرح شکست کھانے کے بعد اب اس ملک سے دامن بچا کر باھر نکلنا چاھتا ہے جس کے لیے افغان طالبان کے ساتھ قطر میں مذاکرات کا عمل شروع کیا گیا تھا جس کے دوران فریقین نے افغانستان سے امریکی فوجیوں کے انخلا پراتفاق کیا تھا تاھم امریکا چاھتا ہے کہ طالبان اور کابل حکومت کے مابین کشیدگی باقی رھے تاکہ جس کھیل کو امریکہ نے افغانستان میں شروع کیا ہے اسے پایہ تکمیل تک پھنچایا جا سکے۔

Add comment