رھبرانقلاب اسلامی آیت اللہ العظمی سید علی خامنہ ای نے امریکہ کے دباؤ کے مقابلے میں ایرانی عوام کی قوتِ مزاحمت کو عالمی مبصرین کے لیے حیرت انگیز قرار دیا ہے۔
ملک بھرکے ھزاروں خطبا، ذاکرین اور مداح خوانوں نے دختر رسول، شھزادی کونین، خاتون جنت حضرت فاطمہ زھرا سلام اللہ کے یوم ولادت کے موقع پر رھبر انقلاب اسلامی آیت اللہ العظمی سید علی خامنہ ای سے ملاقات کی ہے۔
اس موقع پراپنے خطاب میں رھبر انقلاب اسلامی آیت اللہ العظمی سید علی خامنہ ای نے گیارہ فروری کو انقلاب اسلامی کی سالگرہ کی عظیم ریلیوں اور اسی طرح قدس فورس کے شھید کمانڈر جنرل قاسم سلیمانی کے جلوس جنازہ میں ایرانی قوم کی پرجوش اور بھرپور شرکت کی جانب اشارہ کرتے ھوئے فرمایا کہ وحشی دیو امریکہ کے دباؤ کے مقابلے میں ایرانی عوام کی قوتِ مزاحمت نے عالمی مبصرین کو حیرت میں مبتلا کردیا ہے۔
آپ نے معاشرے میں اسلامی طرز زندگی کی ترویج کو ذاکرین اور مدح خوانوں کی اھم ترین ذمہ داری قرار دیتے ھوئے فرمایا کہ دشمن کے ثقافتی حملوں کا مقابلہ کرنے کے لیے زندگی کے صحیح اور اسلامی راستے پر واپس آنا ھوگا۔
رھبر انقلاب اسلامی نے دشمن سے خوف نہ کھانے اور خدا پر توکل کو دینی اور اسلامی طرز زندگی کی اھم ترین تعلیمات میں سے قرار دیا اور فرمایا کہ اگر انقلاب کے ابتدائی ایام میں یہ کھا جاتا کہ ایران سائنس و ٹیکنالوجی اور سیاسی و جغرافیائی اثر و رسوخ کے لحاظ سے اس مرحلے پر پھنچ جائے گا تو کسی کو یقین نہ آتا لیکن ایرانی قوم نے خدا پر بھروسہ کیا، کسی طاقت سے خوف نھیں کھایا اور ترقی کی اس منزل پر پھنچنے میں کامیاب ھوئی۔
آیت اللہ العظمی سید علی خامنہ ای نے مغربی تھنک ٹینکوں کے منصوبوں اور ذرائع ابلاغ کے وسیع پروپیگنڈے کی جانب اشارہ کرتے ھوئے جو وہ ایرانی عوام کو امریکہ کے مقابلے میں پسپائی پر قائل کرنے کی غرض سے کر رھے ہیں فرمایا، خدا کے لطف و کرم سے ایرانی قوم اب تک ڈٹی ھوئی ہے اور آئندہ بھی ڈٹی رھے گی۔
آپ نے یہ بات زور دے کر فرمائی کہ اسلامی جمھوریہ ایران میں انقلابی روح بدستور زندہ ہے اور ایرانی قوم ھر اس میدان میں اتری ہے جھاں اس کی پرجوش اور انقلابی موجودگی کی ضرورت تھی۔
رھبرانقلاب اسلامی نے فرمایا کہ خدا کے لطف و کرم سے اسلامی جمھوریہ ایران ھر لحاظ سے بھتر ہے کیونکہ اس کے پاس اسلامی نظام ہے، اچھے فوجی جرنیل ہیں، اعلی پائے کے علمی اور پرجوش جوان ہیں، باھمت، غیرتمند اور ماھر معاشرہ ساز لوگ اور ھر میدان میں کام کرنے کے لیے تیار عوام موجود ہیں۔
بنابرایں فضل الھی سے ایسی زبردست گنجائشوں اور صلاحیتوں کے ھوتے ھوئے دشمن کے وسیع محاذ کے مقابلے میں یقینی اور حتمی کامیابی ملت ایران کو نصیب ھوگی۔

Add comment