سعودی عرب کے سیکورٹی اھلکاروں نے ولیعھد محمد بن سلمان کے نیوم منصوبے کے لئے ایک گاؤں خالی کروانے کی کوشش کے تحت عبد الرحمن الحویتی نامی ایک مقامی باشندے کو قتل کر دیا اور اس کے قبیلے کے 8 افراد کو گرفتار کر لیا ہے۔
شمال مغربی سعودی عرب کے علاقے میں واقع الخریبہ گاؤں کے باشندے عبد الرحمن الحویتی نے علاقہ خالی کرنے کے حکومتی فرمان کو ماننے سے انکار کر دیا تو سیکورٹی اھلکاروں نے اسے قتل کر دیا۔
معتقلی الرای نام سے چلنے والے ٹویٹر اکاونٹ پر یہ اطلاع دی گئی ہے۔ یہ اکاونٹ سعودی عرب کے سیاسی اور سماجی کارکنوں کا ہے۔
ٹویٹر اکاونٹ نے سعودی عرب کے اندر اپنے ذرائع کے حوالے سے بتایا ہے کہ یہ گرفتاریاں بھی اسی سبب ھوئیں کہ گاؤں کے باشندوں نے اپنا گھر بار چھوڑ نے سے انکار کر دیا تھا۔
ذرائع کا کھنا ہے کہ سعودی سیکورٹی اھلکاروں نے 15 اپریل کو بتایا کہ تبوک صوبے میں الحویتی ھلاک ھوا جو سیکورٹی اھلکاروں کو مطلوب تھا جبکہ 13 اپریل سے ھی سعودی سماجی کارکنوں نے اطلاع دینی شروع کر دی تھی کہ سیکورٹی اھلکاروں نے الحویتی کو قتل دیا۔
الحویتی نے اس سے پہلے ایک ویڈیو سوشل میڈیا پر جاری کیا تھا جس میں اس نے کھا تھا کہ اس کے قبیلے کے افراد سے گاؤں خالی کروانے کی کوشش کی جا رھی ہے۔

Add comment