عراق کی وزارت دفاع نے اعلان کیا ہے کہ رواں عیسوی سال کے آغاز سے اب تک عراقی فوجیوں اور سیکورٹی اھلکاروں کی کاروائیوں میں ایک سو پینتیس دھشت گرد ھلاک ھو چکے ہیں۔
موصولہ رپورٹ میں بتایا گیا ہے کہ عراق کی وزارت دفاع نے بدھ کے روز ایک رپورٹ میں اعلان کیا ہے کہ اس سال جنوری کے آغاز سے پندرہ اپریل تک عراقی فوجیوں اور سیکورٹی اھلکاروں نے دھشت گردوں کے بم بنانے والے چھے سو سینتیس خفیہ ٹھکانوں اور دو سو اناسی سرنگوں کو تباہ جبکہ چھے ھزار نواسی بموں اور اکیاون دھماکہ خیز بیلٹوں کا انکشاف کر کے ان کو ناکارہ بنایا ہے۔
دریں اثنا عراق کے فوجی انٹیلیجینس محکمے نے منگل کی رات اعلان کیا ہے کہ صوبے صلاح الدین میں دھشت گردوں کے ٹھکانوں پر عراقی جنگی طیاروں کے حملے میں چودہ دھشت گرد ھلاک ھو گئے۔
اس حملے میں شھر الدور کے مضافاتی علاقے عبدالعزیز میں دھشت گردوں کے خفیہ ٹھکانوں کو بھی تباہ کر دیا گیا۔
ادھر عراق کی پریس سیکورٹی کمیٹی نے اعلان کیا ہے کہ صوبے کرکوک میں داعشی دھشت گردوں کے عناصر نے عراقی پولیس افسروں کی ایک بس کو اپنے حملے کا نشانہ بنایا ہے۔
عراق میں حالیہ مھینوں اور خاص طور سے کرونا وائرس پھیلنے کے بعد سے داعشی دھشت گردوں کی سرگرمیاں تیز ھو گئی ہیں جس کی بنا پر عراق کے سیکورٹی اھلکار اور عوامی رضاکار فورس الحشد الشعبی دھشت گردوں کے خلاف مزید کاروائیاں کرنے پر مجبور ھو گئی ہے اور عراق کے مختلف علاقوں میں دھشت گردوں کے خفیہ ٹھکانوں کا پتہ لگا کر ان کو تباہ نیز دھشت گردوں کو ھلاک کئے جانے کی کاروائیاں انجام دی جا رھی ہیں۔

Add comment