ھندوستان نے چین کے ساتھ سرحدی تنازع پر امریکی صدر کی ثالثی کی پیشکش مسترد کردی ہے۔
ارنا کی رپورٹ کے مطابق ھندوستان کی وزارت خارجہ کے ترجمان انوراگ شریواستو نے نامہ نگاروں کے ساتھ گفتگو کے دوران امریکی صدر ٹرمپ کے ٹوئٹ کے بارے میں پوچھے گئے ایک سوال کے جواب میں کہا کہ ھم اس مسئلے کو پرامن طریقے سے حل کرنے کے لیے چین کے ساتھ بات چیت کر رھے ہیں۔
ھندوستان کی وزارت خارجہ کے ترجمان نے کہا کہ نئی دھلی، چین کے ساتھ سرحدی علاقوں میں امن و استحکام کی بحالی کا خواھاں ہے تاھم وہ اپنی سرزمین کا بھرپور دفاع کرے گا۔
خیال رھے کہ امریکی صدر ٹرمپ نے ایک ٹوئٹ میں کہا ہے کہ امریکہ ھندوستان اور چین کے درمیان سرحدی تنازعہ میں ثالثی کے لئے آمادہ ہے۔
حال ہی میں چین کی حکومت نے ھندوستان سے ملنے والی اپنے ملک کی سرحدوں پر پانچ ھزار سے زائد فوجی تعینات کئے ہیں اور دونوں ملکوں کے فوجیوں کے درمیان محدود پیمانے پر جھڑپ بھی ھوئی ہے۔
واضح رھے کہ ھندوستان اور چین، سن دو ھزار تین سے اب تک سرحدی تنازعہ کے بارے میں بارھا مذاکرات کر چکے ہیں تاھم اب تک ان مذاکرات کا کوئی خاطرخواہ نتیجہ برآمد نھیں ھو سکا ہے۔

Add comment