ھندوستان میں کورونا وائرس کے نئے کیسز میں روز افزوں اضافے کے ساتھ ، متاثرین کی مجموعی تعداد دو لاکھ پینتیس ھزار سے تجاوز کر گئی۔
موصولہ رپورٹ کے مطابق ھندوستان میں کورونا مریضوں کی تعداد تیزی کے ساتھ بڑھتی جا رھی ہے جبکہ ھلاک شدگان کی تعداد گذشتہ چوبیس گھنٹے کے دوران مزید دو سو تھتر اموات کے ساتھ چھے ھزار تین سو اڑتالیس تک جا پھنچی ہے۔
جمعہ کو صحت کی مرکزی وزارت کی جانب سے جاری کئے جانے والے تازہ ترین اعداد و شمار کے مطابق ، گذشتہ چوبیس گھنٹوں کے دوران ، نو ھزار آٹھ سو اکیاون نئے کیسز کے ساتھ متاثرہ افراد کی تعداد دو لاکھ پینتیس ھزار سات سو انھتر تک جا پھونچی ہے اور اس طرح ھندوستان کورونا سے سب سے زیادہ متاثرہ ممالک میں چھٹے نمبر پر آگیا۔
رپورٹ کے مطابق اس وقت ھندوستان میں کورونا کے ایک لاکھ دس ھزار نو سو ساٹھ فعال کیسز ہیں جبکہ ایک لاکھ نو ھزار چار سو باسٹھ افراد اس وبا سے شفایابی حاصل کرنے میں کامیاب ھوئے ہیں۔
ھندوستان کی ریاست مھاراشٹر کورونا سے سب سے زیادہ متاثر ھوئی ہے۔ مذکورہ ریاست میں گذشتہ چوبیس گھنٹوں کے دوران دو ھزار نو سو تینتیس نئے کیسز جبکہ ایک سو تئیس اموات رکارڈ کی گئی ہیں۔ اس طرح ریاست مھاراشٹر میں کووڈ نائینٹین سے متاثرہ افراد کی مجموعی تعداد بڑھ کر ستتر ھزار سات سو ترانوے اور مرنے والوں کی تعداد دو ھزار سات سو دس ھوگئی ہے۔
اس عرصے کے دوران، ریاست میں ایک ھزار تین سو باون افراد صحتیاب بھی ھوئے ہیں جس کے بعد صحتیاب ھونے والوں کی مجموعی تعداد تینتیس ھزار تین سو اڑسٹھ ھو گئی ہے۔

Add comment