ویانا میں عالمی اداروں میں تعینات روس کے مستقل مندوب نے جوھری توانائی کے عالمی ادارے کی جانب سے ایران سے متعلق خفیہ رپورٹ کی مغربی ذرائع ابلاغ میں اشاعت پر کڑی نکتہ چینی کی۔
عالمی اداروں میں تعینات روس کے مستقل مندوب میخائیل اولیانف Mikhail Ulyanov نے اپنے ٹوئیٹر پیج میں لکھا کہ رکن ممالک کو دی جانے والی رپورٹ کے 5 منٹ بعد مغربی ذرائع ابلاغ میں اس کی اشاعت نے اس کے خفیہ ھونے پر سوالیہ نشان لگا دیا ہے۔
جوھری توانائی کے عالمی ادارے نے جمعہ کے روز اپنی رپورٹ میں دعوی کیا تھا کہ ایران جوھری معاھدے میں تعین شدہ مقدار سے زیادہ یورنیئم افزودہ کر رھا ہے۔
ویانا میں عالمی اداروں میں ایران کے مستقل مندوب کاظم غریب آبادی نے جوھری توانائی کے عالمی ادارے کی جوھری معاھدے سے متعلق نئی رپورٹ پر کہا کہ ایران کی پر امن جوھری سرگرمیاں جوھری توانائی کے عالمی ادارے کے قوانین و ضوابط اور ایران کی جانب سے جوھری معاھدے میں اپنے وعدوں پرعمل نہ کرنے کے دائرے میں ہے۔
واضح رھے کہ امریکہ کی جانب سے 8 مئی 2018 کو عالمی جوھری معاھدے سے علیحدگی اختیار کرنے اور جوھری معاھدے کے دیگر رکن ممالک کی جانب سے اپنے وعدوں پر عمل نہ کرنے کے بعد ایران نے 8 مئی 2019 کو اس معاھدے کی شق نمبر 26 اور 36 کے تحت اپنے وعدوں میں کمی لانے کا فیصلہ اور اعلان کیا تھا۔

Add comment