امریکہ کی قومی سلامتی کے سابق مشیر جان بولٹن نے اپنی نئی کتاب میں انکشاف کیا ہے کہ اسرائیل کو ایران پر حملہ کرنے کے لئے ورغلایا گیا تھا۔
صھیونی اخباریروشلم پوسٹ کی رپورٹ کے مطابق امریکہ کی قومی سلامتی کے سابق مشیرجان بولٹن نے اپنی نئی کتاب میں نت نئے انکشافات کرتے ھوئے کہا کہ امریکی صدر ڈونلڈ ٹرمپ نے مجھ سے (بولٹن) سے کھا تھا کہ اگر اسرائیل کے وزیر اعظم بنیامین نیتنیاھو ایران کے خلاف فوجی کارروائی کرتے ہیں تو ان کی حمایت کی جائے گی۔
امریکی صدر ڈونلڈ ٹرمپ نے 2017 میں ھونے والی میٹنگ کے دوران یہ بات کہی تھی۔ جان بولٹن جو اس وقت ٹرمپ کی حکومت میں شامل نھیں تھے لیکن اس میٹنگ میں موجود تھے۔
جان بولٹن نے اپنی کتاب کے ایک اور حصے میں ایران کے وزیر خارجہ محمد جواد ظریف کے اگست 2019 کے دورہ فرانس اور گروپ-7 کے اجلاس میں شرکت کرنے کی جانب اشارہ کرتے ھوئے کہا کہ فرانس کے صدر امانوئل میکرون نے امریکی صدر ٹرمپ کو ایران کے وزیر خارجہ سے ملاقات کرنے کی تجویز پیش کی تھی جسے انھوں نے قبول کیا تھا۔
جان بولٹن نے اپنی کتاب میں صدر ڈونلڈ ٹرمپ پر سنگین الزامات عائد کرتے ھوئے کہا ہے کہ ڈونلڈ ٹرمپ امریکی صدارتی عھدے کے لیے انتھائی غیر موزوں ہیں اور ڈونلڈ ٹرمپ نے نومبر کے صدارتی انتخابات جیتنے کے لیے چین کے صدر شی جن پنگ سے مدد مانگی ہے۔
امریکی وزیرِ خارجہ مائیک پمپئو نے جان بولٹن کی کتاب میں صدر ڈونلڈ ٹرمپ پر سنگین الزامات عائد کئے جانے پر سخت رد عمل ظاھر کرتے ھوئے جان بولٹن کو غدار قرار دیا۔
واضح رھے کہ جان بولٹن کی کتاب کی اشاعت رکوانے کی وائٹ ھاؤس کی تمام کوششیں ناکام ھوگئیں۔

Add comment