ایران ، روس اور ترکی کے سربراھان مملکت شام کے بارے میں ویڈیو کانفرنس کے ذریعے اجلاس منعقد کر رھے ہیں۔
فارس نیوز خبر رساں ایجنسی کے مطابق ، کریملن ھاؤس کے ترجمان دیمیتری پیسکوف نے بتایا کہ ایران کے صدر ڈاکٹر حسن روحانی ، روس کے صدر ولادیمیر پوتین اور ترکی کے صدر رجب طیب اردوغان کے درمیان گفتگو بدھ کے روز ھوگی۔ یہ اجلاس آستانہ مذاکرات کے سلسلے میں منعقد کیا جا رھا ہے۔
رپورٹ کے مطابق، ایران ، روس اور ترکی کے سربراھان مملکت سہ فریقی اجلاس شروع ھونے سے قبل الگ الگ بیان جاری کریں گے۔
دیمیتری پیسکوف نے کہا کہ شام کی موجودہ صورتحال کا جائزہ لینا اس اجلاس کا ایجنڈا ہے۔
شام میں امریکیوں کی غیر قانونی موجودگی اور اس کی جانب سے صھیونیوں کے جارحانہ اقدامات کی حمایت، دھشت گردوں کی بقا پر منتج ھو‏ئی ہے۔ لیکن ایران، شام کے صدر بشار اسد کی قانونی حکومت کی درخواست پر اس ملک میں موجود ہے اور ان دھشت گردوں کے خلاف نبرد آزما ہے کہ جو دھشت گردی سے مقابلے کے بہانے ایک نام نھاد اتحاد تشکیل دے کر امریکی قیادت میں لڑ رھے ہیں تاھم اس سلسلے میں امریکی پالیسی، مبھم اور مشکوک ہے۔

Add comment