یمن کے سابق صدر علی عبداللہ صالح نے کھا ہے کہ یمن پر حملے میں سعودی عرب کے جنگی جرائم میں اقوام متحدہ بھی شریک رھی ہے۔
ارنا کی رپورٹ کے مطابق یمن کے سابق صدر علی عبداللہ صالح نے سوشل میڈیا پر جاری کئے جانے والے اپنے ایک بیان میں تاکید کے ساتھ کھا ہے کہ یمن پر اقوام متحدہ اور دنیا کے تمام ملکوں کے سامنے جارحانہ حملہ کیا گیا ہے اور اقوام متحدہ جیسے عالمی ادارے نے سعودی عرب کی جارحیت کے مقابلے میں خاموشی اختیار کر رکھی ہے اس لئے یمن پر سعودی عرب کے جنگی جرائم میں اقوام متحدہ بھی شریک سمجھی جاتی ہے۔
اس بیان میں کھا گیا ہے کہ بعض ضمیر فروشوں نے نہ صرف خود کو فروخت کر دیا بلکہ اپنے ملکوں کو بھی دشمن کے حوالے کر دیا اور وہ یمن پر وحشیانہ جارحیت اور اس ملک میں عورتوں، بچوں، جوانوں اور بوڑھوں کے قتل عام میں جارح ممالک کا بھرپور ساتھ دیتے رھے ہیں اس لئے وہ بھی یمن پر جنگی جرائم میں شریک سمجھے جاتے ہیں۔
علی عبداللہ صالح نے کھا کہ صنعا میں ایک بڑے ھال پر حملہ، کہ جس میں ایک سو چالیس سے زائد افراد شھید اور چھے سو دیگر زخمی ھوئے، اور اسی طرح کے دیگر قتل عام، کہ جن سے انسان کا سر شرم سے جھک جائے نیز صنعا کے ارحب علاقے میں مجلس عزا پر حالیہ جارحانہ حملہ، یمنی قوم کے خلاف جنگی جرائم کا واضح نمونہ ہے۔

Add comment