مقبوضہ بیت المقدس کے شمال میں قلندیا کے علاقے میں فلسطینیوں اور صھیونی فوجیوں کے درمیان شدید جھڑپیں ھوئی ہیں۔
فلسطینی ذرائع کے مطابق غاصب صھیونی حکومت کے فوجیوں کی جارحیت کے جواب میں فلسطینیوں نے مقبوضہ بیت المقدس کے شمال میں قلندیا کے علاقے میں چیک پوسٹ پر تعینات صھیونی فوجیوں کو اپنے حملے کا نشانہ بنایا۔
اس چیک پوسٹ پر تعینات صھیونی فوجیوں کے علاوہ غاصب صھیونی حکومت نے مزید فوجیوں کو وھاں روانہ کر دیا جس کے بعد فلسطینیوں اور صھیونی فوجیوں کے درمیان شدید جھڑپیں ھوئیں۔
ان جھڑپوں میں ھونے والے ممکنہ نقصان کے بارے میں ابھی کوئی رپورٹ نھیں ملی ہے۔
ایک اور رپورٹ یہ ہے کہ ڈیٹا پروسیسنگ سینٹر ،وادی حلوہ، نے اپنی ماھانہ رپورٹ میں اعلان کیا ہے کہ صھیونی حکومت نے گذشتہ ماہ کے دوران بیت المقدس اور مغربی کنارے کے مختلف علاقوں سے ایک سو ستّاون فلسطینیوں کو گرفتار کیا ہے جن میں ترسٹھ بچے، آٹھ عورتیں اور چار بوڑھے افراد شامل ہیں۔
اس رپورٹ کے مطابق گذشتہ مھینے پندرہ سو سے زائد صھیونی آبادکاروں نے مسجد الاقصی کو بارھا اپنی جارحیت کا نشانہ بنایا۔
واضح رھے کہ مسجد القصی پر صھیونیوں کے حملوں اور صھیونی فوجیوں کی جارحیت کا مقابلہ کرنے کے لئے ھی یکم اکتوبر دو ھزار پندرہ کو انتفاضہ قدس شروع ھوئی ہے۔

Add comment