عالمی فلسطین کانفرنس میں شرکت کے لیے دنیا کے مختلف ملکوں کے اعلی سطحی وفود تھران پھنچنا شروع ھوگئے ہیں۔
تھران کے امام خمینی انٹرنیشنل ایئر پورٹ اور مھرآباد کے ھوائی اڈے پر عالمی فلسطین کانفرنس میں شرکت کے لیے وفود کی آمد کا سلسلہ جاری ہے اور ملائیشیا، الجزائر، شمالی کوریا، مالی، زنجبار، یوگینڈا، گینی اور شام کی پارلیمانوں کے اسپیکر پیر کی صبح تھران پھنچ گئے ہیں۔
فلسطین کی تحریک انتفاضہ کی حمایت میں چھٹی عالمی کانفرنس، اکیس اور بائیس فروری کو تھران میں منعقد ھوگی جس میں دنیا کے اسّی ممالک کے اعلی سطحی نمائندے شرکت کریں گے۔
تحریک انتفاضہ فلسطین کی حمایت میں اس عالمی کانفرنس کا آغاز رھبر انقلاب اسلامی آیت اللہ العظمی سید علی خامنہ ای کے پیغام سے ھوگا اور ایران کے اسپیکرڈاکٹرعلی لاریجانی اس کی صدارت کریں گے۔
مئی انیس سو نوے میں ایران کی پارلیمنٹ نے فلسطین کے عوامی انقلاب کی حمایت کا بل پاس کیا تھا جس کے بعد سے اب تک ایران، فلسطین کے بارے میں پانچ عالمی کانفرنسوں کی میزبانی کرچکا ہے۔

Add comment