عراق کے وزیر اعظم حیدر العبادی نے اپنے ملک کی فضائیہ کو ھدایات جاری کی ہیں کہ وہ شام میں دھشت گردوں کے ٹھکانوں کو نشانہ بنائے۔
ارنا کی رپورٹ کے مطابق عراق کے وزیر اعظم حیدر العبادی نے جمعے کے روز ایک بیان میں اعلان کیا ہے کہ ھم ان دھشت گردوں کا تعاقب کرنے کا تھیہ کئے ھوئے ہیں جنھوں نے ھمارے شھریوں اور بچوں کا قتل عام کیا ہے اس لئے عراقی فضائیہ کو شام کے علاقوں حصیبہ اور البوکمال میں دھشت گردوں کے ٹھکانوں کو نشانہ بنانے کی ھدایات جاری کی گئی ہیں-
انھوں نے کھا کہ ان علاقوں میں ھی بغداد کے حالیہ بم دھماکوں کے ذمہ دار عناصر روپوش ہیں۔
عراق کے وزیر اعظم کا یہ بیان ایسی حالت میں سامنے آیا ہے کہ عراقی فوج، موصل کے مغربی علاقوں میں پیش قدمی کا سلسلہ جاری رکھتے ھوئے حی الطیران اور حی المامون نامی علاقوں میں داخل ھو گئی ہے اور اس نے تل الزلط قصبے کو دھشت گردوں کے قبضے سے آزاد کرا لیا ہے۔
اس سے قبل عراق کے وزیر اعظم حیدر العبادی نے جمعرات کے روز اعلان کیا تھا کہ مسائل ومشکلات کے باوجود مغربی موصل کو آزاد کرانے کی کارروائی تیزی کے ساتھ آگے بڑھ رھی ہے۔

Add comment