رھبر انقلاب اسلامی آیت اللہ العظمی سید علی خامنہ ای نے کفر و نفاق کے خلاف جدوجھد کے لئے اھلبیت اطھار علیھم السلام کی پیروی کئے جانے کی ضرورت پر تاکید فرمائی ہے۔
پیغمبر اسلامۖ حضرت محمد مصطفی صل اللہ علیہ وآلہ وسلم کی دخترگرامی اور حضرت علی ابن ابیطالب علیہ السلام کی زوجہ جناب فاطمہ زھرا سلام اللہ علیھا کے ایام شھادت کے موقع پرمذھبی شعرائے کرام نے رھبر انقلاب اسلامی آیت اللہ العظمی سید علی خامنہ ای سے ملاقات کی۔
اس ملاقات میں رھبر انقلاب اسلامی آیت اللہ العظمی سید علی خامنہ ای نے صدر اسلام کے واقعات کو آج کے واقعات سے متصل ومنطبق کئے جانے کو مذھبی شعر و شاعری اور شعرائے کرام کی اھم ذمہ داری قرار دیا اور فرمایا کہ پیغمبر اسلام ﴿ص﴾ اور تمام ائمہ معصومین علیھم السلام، طاغوت اور ظلم و کفر و فسق و نفاق کے خلاف سخت اور موثر جدوجھد کرتے رھے اور اسی بنا پر آئمہ طاھرین علیھم السلام اس وقت کے ظالم و جابر حکمرانوں کے ھاتھوں شھید ھوئے ہیں۔
رھبر انقلاب اسلامی آیت اللہ العظمی سید علی خامنہ ای نے کفر و نفاق کے خلاف جدوجھد کے لئے اھلبیت اطھار علیھم السلام کی پیروی کئے جانے کی ضرورت پر تاکید کی اور فرمایا کہ اسلامی جمھوریہ ایران میں عالمی کفر و نفاق کے خلاف جدوجھد، آسان اور ممکن ہے جبکہ علاقے کی بعض حکومتوں کے منحوس سائے میں، امریکہ سے معمولی سے بھی اعلان برائت پریہ حکومتیں اپنی شدید برھمی اور سخت ردعمل کا اظھار کرتی ہیں۔
رھبر انقلاب اسلامی آیت اللہ العظمی سید علی خامنہ ای نے فرمایا کہ ظالموں کے خلاف جدوجھد کا دارومدار صرف شمشیر چلانے پر نھیں ہے بلکہ دنیا میں تشھیراتی مھم کو پھلی ترجیح حاصل ہے اور ظالموں کے خلاف شعری زبان میں بھرپور جدوجھد کی جاسکتی ہے اور حالیہ برسوں کے دوران اس سلسلے میں بھترین اور امید افزا نمونے بھی پائے گئے ہیں۔
دینی و مذھبی شاعروں کا فریضہ اور طرز زندگی بھی، ایک ایسا نکتہ تھا کہ جس کی طرف آپ نے اشارہ کیا اور فرمایا کہ غیر مغربی ملکوں خاص طور سے اسلامی جمھوریہ ایران میں طرز زندگی تبدیل کرنے کے واضح اور اعلان شدہ مقصد کے تحت امریکا اور مغربی ملکوں میں مراکز تک قائم کئے گئے ہیں۔
رھبر انقلاب اسلامی آیت اللہ العظمی سید علی خامنہ ای نے فرمایا کہ اسلامی طرز زندگی تبدیل کرنے کا مقصد، مغربی انتظامیہ اور اداروں کی مرضی کے مطابق عزم و ارادہ پیدا کرنا اور اس سلسلے میں تحریک چلانا ہے آپ نے فرمایا کہ اس یلغار کے مقابلے میں صرف دفاع کرنا یا حصار کھینچنا ھی کافی نھیں بلکہ شعری زبان میں دینی و اسلامی روش زندگی پر روشنی ڈال کر اور سیاسی، ثقافتی اور اخلاقی اصول و مفاھیم بیان کر کے اپنے فریضے پر مکمل طرح سے عمل کیا جا سکتا ہے۔

Add comment