اسلامی جمھوریہ ایران نے کھا ہے کہ تھران انسانی حقوق کو سیاسی مقاصد اور ایک حربے کےطور پر استعمال کئے جانے کے ھر اقدام کا مخالف ہے۔
ایران کی وزارت خارجہ کے ترجمان سید عباس موسوی نے یورپی یونین کے شعبہ خارجہ پالیسی کے سربراہ کے بیان کےجواب میں کھا ہے کہ اسلامی جمھوریہ ایران آزاد و خود مختار ملکوں کے خلاف انسانی حقوق کے معاملے کو سیاسی مقاصد اور ایک حربے کے طورپراستعمال کئے جانے کی مخالفت اور اس اقدام کی مذمت کرتا ہے۔
یورپی یونین کے شعبہ خارجہ پالیسی کے سربراہ جوزف بورل نے اتوار کو اپنے ایک مداخلت پسندانہ بیان میں ایران پر انسانی حقوق کی خلاف ورزی اور مظاھرین کے ساتھ تشدد آمیز طریقے سے پیش آنے کا الزام عائد کیا تھا۔
ترجمان وزارت خارجہ نے یورپی یونین کے شعبہ خارجہ پالیسی کے نئے سربراہ کے بیان پر افسوس کا اظھار کرتے ھوئے کھا کہ یہ بیان غلط معلومات کی بنیاد پر دیا گیا ہے۔
ترجمان وزارت خارجہ کا کھنا تھا کہ عوام کے حقوق کی پاسداری اسلامی جمھوریہ ایران کا ایک اھم ترین اصول اور قومی سلامتی کی بنیادی ضروریات میں سے ہے۔
انھوں نے کھا کہ گذشتہ چالیس برسوں کے دوران اسلامی جمھوریہ ایران کی کارکردگی نے یہ ثابت کردیا ہے کہ وہ عوام کے حقوق اور انسانی حقوق کے معیاروں کو بلند رکھنے میں پوری طرح سے سنجیدہ رھا ہے اور عوامی مظاھرے اور اجتماعات کو بھی اسلامی جمھوریہ ایران عوام کاحق سمجھتا ہے۔
ترجمان وزارت خارجہ نے یورپی یونین کونصیحت کی کہ وہ اپنے بعض ممبر اوراتحادی ملکوں میں انسانی حقوق کی خلاف ورزی، ایٹمی معاھدے پر عمل درآمد کے سلسلے میں کی جانے والی کوتاھیوں اور امریکا کی ظالمانہ اور خودسرانہ پابندیوں کی وجہ سے آٹھ کروڑ ایرانی شھریوں کے حقوق کی پامالی پر توجہ دے۔

Add comment