اسلامی جمھوریہ ایران کی پارلیمنٹ کے اسپیکر نے کھا ہے کہ شام کے مسئلے کے حل میں روس ترکی اور ایران کا کردار کامیاب ایشین ڈیپلومیسی کا بھترین نمونہ ہے جس نے امریکا اور دھشت گردوں کی مشترکہ مھم کو کافی حدتک ناکام بنادیا ہے۔
ایران کی پارلیمنٹ کے اسپیکر ڈاکٹر علی لاریجانی نے ترکی کے شھر انتالیا میں ایشین پارلیمنٹری اسمبلی کے بارھویں اجلاس میں اپنے خطاب میں کھا کہ ایشین ڈیپلومیسی بین الاقوامی میدان میں سب سے زیادہ فعال ڈیپلومیسی ہے۔
ان کا کھنا تھا کہ چین کے ساتھ تجارتی جنگ، روس اور ایران پر پابندی، ترکی کے لئے مشکلات کھڑی کرنا اور علاقے کے ملکوں سے غنڈہ ٹیکس کی وصولی یہ وہ مخاصمانہ اقدامات ہیں جن سے ثابت ھوتا ہے کہ مغربی ممالک خاص طور پرامریکا نھیں چاھتے کہ ایشیا ترقی و کامیابی کی راہ پر گامزن رھے۔
ایرانی پارلیمنٹ کے اسپیکر ڈاکٹرلاریجانی نے علاقے میں امریکا کے تخریبی اقدامات منجملہ دھشت گردوں کی حمایت اور عدم استحکام پیدا کرنے والی پالیسی کا ذکرکرتے ھوئے کھا کہ اس صورتحال میں ضرورت اس بات کی ہے کہ ایشیائی ممالک اپنی تجارت، بیکننگ کے معاملات، سیکورٹی اور فوجی معاھدوں نیز سائنس و ٹیکنالوجی کے میدانوں میں تعاون کے لئے ایک الگ سسٹم تیار کریں۔
ڈاکٹر لاریجانی نے اس امید کا اظھارکیا کہ ایشین پارلیمنٹری اسمبلی کی رکن پارلیمانیں ملٹی پولر سسٹم کی حفاظت اور تقویت سے متعلق ایران کی تجویز کی حمایت میں قراردادیں پاس کرکے علاقائی سطح پر افھام و تفھیم اور باھمی تعاون کی حمایت کے سلسلے میں دیگر ملکوں کو واضح پیغام دیں گی اور ماضی سے زیادہ ملٹی پولر سسٹم کی حمایت کریں گی۔

Add comment