امریکی صدر ٹرمپ کے مخالفین نے واشنگٹن میں سینیٹ کی عمارت کے باھر اجتماع کرکے مطالبہ کیا ہے کہ ٹرمپ کے مواخذے کی کاروائی کے دوران گواھوں کو بھی ایوان میں بلانے کی اجازت دی جائے۔
ٹاؤن ھال نیوز ویب سائٹ نےخبردی ہے کہ واشنگٹن میں سیکڑوں افراد نے امریکی سینیٹ کی عمارت کے باھر اجتماع کرکے مطالبہ کیا کہ ٹرمپ کے خلاف مواخذے کی کارروائی کے دوران گواھوں منجملہ قومی سلامتی کے امور کے سابق مشیر جان بولٹن کو بھی وھاں موجود رھنے کی اجازت دی جائے - مظاھرین نعرے لگارھے تھے کہ ھمیں ادھورا انصاف منظور نھیں ہے -
ٹرمپ کے خلاف مواخذے کی کارروائی کے دوران جان بولٹن کو بھی ایوان میں بلانے کا مطالبہ شدت اختیار کرتا جا رھا ہے - یوکرین گیٹ اسکینڈل کے بارے میں جان بولٹن کی کتاب کے کچھ اقتباسات سامنے آنے کے بعد را‏ئے عامہ کی جانب سے یہ مطالبہ بڑھتا جارھا ہے کہ جان بولٹن کو بھی مواخذے کی کارروائی کے دوران ایک گواہ کے طور پر سینیٹ میں موجود رھنا چاھئے -
دوسری جانب وائٹ ھاؤس نے باضابطہ طور پرانتباہ جاری کرکے امریکا کی قومی سلامتی کے امور کے سابق مشیر جان بولٹن سے کھا ہےکہ وہ ٹرمپ کے خلاف اپنی نئی کتاب چھاپنے سے باز رھیں -
وائٹ ھاؤس نے جان بولٹن کے وکیل کو ایک خط ارسال کرکے کھا ہے کہ فیڈرل قوانین اور سیکریٹ اطلاعات و معلومات کو عام نہ کرنے کے بارے میں ضابطوں کی بنیاد پر جان بولٹن کو اس بات کا حق نھیں ہے کہ وہ سیکریٹ مواد کو کتاب سے نکالے بغیر اس کو چھاپ دیں -
اخبار نیویارک ٹائمز نے ابھی حال میں خبردی تھی کہ جان بولٹن نے ، جنھیں ڈیموکریٹس سینیٹر مواخذے کی کارروائی کے دوران ایوان میں بلائے جانے کامطالبہ کر رھے ہیں اپنی آنے والی کتاب میں ٹرمپ کے خلاف باتیں کی ہیں اور اھم رازوں سے پردہ اٹھایا ہے -
بتایا جارھا ہے جان بولٹن نے اپنی اس کتاب میں لکھا ہے کہ ٹرمپ نے اگست دوھزار انیس میں ان سے کھا تھا کہ امریکا کے صدارتی انتخابات کے امیدوار جو بائیڈن کے خلاف تحقیقات انجام دینے کی غرض سے یوکرین کو تین سو اکیانوے ملین ڈالرکی فوجی مدد روک دیں گے -
ٹرمپ کا کھنا تھا کہ اس صورت میں یوکرین کے صدر، جوبائیڈن کے خلاف تحقیقات انجام دینے پر مجبور ھوں گے - ٹرمپ کے خلاف سینیٹ میں مواخذے کی کارروائی اکیس جنوری سے شروع چکی ہے ان کے خلاف یوکرین گیٹ اسکینڈل اور اقتدارکا ناجائز استعمال کا الزام ہے۔

Add comment