چین میں نئے کورونا وائرس سے ھلاکتوں میں اضافے کے ساتھ ھی دنیا بھر میں ماسک اور متعلقہ طبی آلات کی طلب میں سو گنا اضافہ ھوگیا ہے۔
عالمی ادارہ صحت کے مطابق کورونا وائرس کے پھیلاؤ کے بارے میں پائی جانے والی عالمی تشویش کی وجہ سے ماسک، دستانوں اور اس بیماری سے بچاؤ کی دوسری اشیا کی طلب میں سوگنا جبکہ ان کی قیمتوں میں ھوش ربا اضافہ ھوا ہے۔
عالمی ادارہ صحت کے ڈائریکٹر جنرل ٹیڈروس ایڈانوم گبریسوس نے اس بارے میں بتایا ہے کہ عام لوگوں اور شعبہ صحت سے تعلق نہ رکھنے والے افراد کے ذریعے بڑے پیمانے پر مخصوص طبی وسائل کی خریداری کے باعث صورتحال انتھائی دشوار اور عالمی سطح پر ان وسائل کی فراھمی کا عمل معطل ھوگیا ہے۔
نیا کورونا وائرس بدستور مریضوں کی جانیں لے رھا ہے اور جمعے سے اب تک چین میں نوے کے قریب اموات ھوچکی ہیں۔
تازہ ترین اعداد و شمار کے مطابق ھفتے کی صبح آٹھ بجے تک نئے کورونا وائرس سے مرنے والوں کی تعداد سات سو بائیس ھوگئی ہے جبکہ اس مھلک وائرس سے متاثرہ افراد کی تعداد چونیتس ھزار پانچ سو چھیالیس تک پھنچ گئی ہے۔
کورونا وائرس کا آغاز چین کے صوبے کے شھر ووھان سے ھوا تھا۔
