عراق کے صدر گروہ کے سربراہ مقتدی صدر نے مظاھرین کے پرامن ھونے کی ضرورت پر زور دیا ہے
صدر گروہ کے سربراہ مقتدی صدر نے مظاھرین سے مطالبہ کیا ہے کہ وہ راستوں کو بند کرنے ، پبلیک مقامات کو نقصانات پھنچانے اور شھریوں کی روز مرہ کی زندگی میں خلل پیدا کرنے اور رکاوٹیں ڈالنے سے اجنتاب کریں ۔
عراق کے صدر گروہ کے سربراہ نے مظاھرین کو منظم اور کنٹرول میں رکھنے ، درانداز اور رخنہ ڈالنے والی قوتوں سے بیزاری و دوری کا اعلان کرنے اور عراق کے بزرگ مرجع تقلید آیت اللہ العظمی سیستانی کی ھدایات کی پابندی کی ضرورت پر تاکید کی ۔
عراق کے بزرگ مرجع تقلید آیت اللہ العظمی سید علی سیستانی نے ایک بیان جاری کر کے ملک میں ایک مضبوط حکومت کی تشکیل اور تشدد سے دور رھنے پر زور دیا آیت اللہ العظمی سیستانی نے اپنے بیان میں تین اھم نکات پر تاکید کی ہے۔
عراق کے بزرگ مرجع تقلید آیت اللہ العظمی سیستانی نے جن تین نکات کو مدنظر رکھنے پر تاکید کی ہے ان میں مظاھرین کو مخاطب کرتے ھوئے کھا گیا ہے کہ عوامی مظاھرے پوری طرح پرامن منعقد ھونے چاھئیں یعنی دوسرے لفظوں میں مظاھرین اور رخنہ ڈالنے والوں کے درمیان فرق ھوتا ہے۔
دوسرا نکتہ جس کی جانب آیت اللہ العظمی سیستانی نے ھدایت کی ہے وہ یہ ہے کہ پرامن مظاھرین کی سرکوبی اور ان کے خلاف جارحیت ، ھرگروہ کی نظر میں قابل مذمت ہے ۔
یعنی یہ کہ پرامن مظاھروں کی اجازت دی جانی چاھئے۔
اور تیسری بات یہ ہے کہ نئی حکومت کو چاھئے کہ وہ حالات کو پرامن بنائے ، حکومت کی رٹ بحال کرے اور قبل از وقت انتخابات کرانے کے لئے لازمی اقدام انجام دے یعنی دوسرے لفظوں میں دینی مرجعیت نئے وزیراعظم کی حمایت کے ساتھ ھی ایک مضبوط حکومت کی تشکیل اور سیاسی خلاء کے خاتمے پر تاکید کرتی ہے۔
یہ اعلامیہ ایک طرح سے عوام ، سیکورٹی اھلکاروں اور حکومت کے درمیان رابطے پر تاکید کرتا ہے اور تشدد کو روکنے اور عراق میں ثبات و استحکام پیدا کرنے کے لئے اس مثلث کے درمیان تعاون کو موثر سمجھتا ہے۔اور سب سے اھم نکتہ یہ ہے کہ آیت اللہ العظمی سیستانی کے اس بیان کی عراق کے سیاسی گروھوں اور عوام نے فورا بھرپور خیرمقدم کیا ہے۔
عراق کے بغداد ، نجف اشرف، بصرہ اور ناصریہ شھروں کے عوام نے بڑے پیمانے ریلیاں نکال کرمرجع عالی قدر کے بیان کی حمایت کی ہے ۔
درایں اثنا عراق کے عصائب اھل الحق گروہ کے سربراہ قیس الخزعلی نے بھی آیت اللہ العظمی سیستانی کے بیان پر عمل درآمد کی ضرورت پر تاکید کی ۔

Add comment