یمن کی فوج اور عوامی رضاکار فورس کے جوانوں نے جنوبی سیکٹر کی جانب سے سعودی جنگی اتحاد کی پیشقدمی کو ناکام بنا دیا ہے۔
یمن کی مسلح افواج کے ترجمان یحیی السریع نے بتایا ہے کہ سعودی جنگی اتحاد میں شامل کرائے کے فوجیوں نے جنوبی یمن کے علاقے باب غلق کی جانب سے پیشقدمی کی کوشش کی تاھم اسے یمنی فوج اور عوامی رضاکار فورس کے پہلے سے آمادہ دستوں کے جوابی حملوں کا سامنا کرنا پڑا۔
انھوں نے بتایا کہ یمن کی مسلح افواج اور عوامی رضاکار فورس کے جوابی حملوں کے باعث سعودی جنگی اتحاد کو بھاری جانی اور مالی نقصان اٹھاتے ھوئے علاقے سے پسپا ھونا پڑا اور کم سے کم باون کرائے کے فوجی ھلاک اور زخمی ھوئے ہیں۔
ادھر المسیرہ ٹیلی ویژں نے اپنی ایک رپورٹ میں بتایا ہے کہ سعودی عرب کے جنگی طیاروں نے مآرب اور صعدہ سمیت مختلف صوبوں کو جارحیت کا نشانہ بنایا ہے۔
یمن کے خلاف جنگ اور جارحیت کا سلسلہ ایسے وقت میں جاری ہے جب سعودی جنگی اتحاد کے ترجمان ترکی المالکی نے نو اپریل کو جنگ بندی کا اعلان کرتے ھوئے دعوی کیا تھا کہ دو ھفتے کی اس جنگ بندی میں مزید توسیع کا امکان پایا جاتا ہے، تاھم سعودی جنگی اتحاد نے اپنی ھی اعلان کردہ جنگ بندی کی ایک دن بھی پابندی نھیں کی اور اس اعلان کے محض چند گھنٹے بعد ھی یمن کے رھائشی علاقوں اور شھری اھداف کو زمینی اور فضائی حملوں کا نشانہ بنانا شروع کردیا۔
یمن کا کھنا ہے کہ سعودی جنگی اتحاد کی جانب سے جنگ بندی کا اعلان صرف وقت حاصل کرنے اور اپنی بکھری ھوئی قوت کو پھر سے جمع کرنے کا ایک حربہ ہے۔
دریں اثنا یمن کی نیشنل سالویشن حکومت کی وزارت خارجہ نے ایک بار پھر سعودی عرب اور متحدہ عرب امارات کو اسلحہ فروحت کرنے والے یورپی ملکوں پر کڑی نکتہ چینی کی ہے۔
صعنا میں یمن کی وزارت خارجہ کے جاری کردہ بیان میں کھا گیا ہے کہ افسوس کے ساتھ کھنا پڑتا ہے کہ دنیا میں کورونا وائرس سے پیدا ھونے والے اقتصادی نتائج کو بھانہ بنا کر بعض ملکوں کی جانب سے سعودی جنگی اتحاد کو اسلحہ کی فروخت کا سلسلہ پھر سے شروع کردیا گیا ہے۔
یمن کی نیشنل سالویشن حکومت نے سعودی عرب اور متحدہ عرب امارات کو اسلحہ کی سپلائی دوبارہ شروع کیے جانے کے بعد مغربی ملکوں کی جانب سے کی جانے والی جنگ بندی کی اپیلوں کو کذب محض قرار دیا ہے۔
بیان میں مغربی ملکوں سے مطالبہ کیا گیا ہے کہ وہ سعودی جنگی اتحاد کو اسلحہ کی فروخت کے فیصلوں میں نظر ثانی کریں۔
سعودی عرب اور اس کے بعض اتحادی ممالک نے مارچ دوھزار پندرہ سے یمن پر وحشیانہ جنگ مسلط کرنے کے علاوہ مغربی ایشیا کے اس غریب اسلامی اور عرب ملک کا زمینی، فضائی اور سمندری محاصرہ بھی کر رکھا ہے۔ پانچ سال سے جاری سعودی جارحیت اور محاصرے کی وجہ سے دسیوں ھزار یمنی شھری شھید و زخمی ھو چکے ہیں جبکہ دسیوں لاکھ افراد کو اپنا گھر بار چھوڑنے پر مجبور ھونا پڑا ہے۔

Add comment