دنیا کے دیگر ملکوں کی طرح بر صغیر کے ملکوں ھندوستان اور پاکستان میں بھی کورونا سے متاثرین اور مرنے والوں کی تعداد میں مسلسل اضافہ ھوتا جا رھا ہے جبکہ لاک ڈاؤن اور دیگر بندشوں کا سلسلہ بھی بدستور جاری ہے۔
ھندوستانی میڈیا کا کھنا ہے کہ ملک میں کورونا کے کیسز میں تیزی کے ساتھ اضافہ ھوتا جارھا ہے اور محکمہ صحت کے اعداد وشمار کےمطابق گذشتہ چوبیس گھنٹے میں کورونا سے پورے ملک میں مزید تیرہ سو سے زائد کیسز سامنے آئے ہیں اور اسی مدت میں مزید سینتالیس لوگوں کی کورونا نے جان لی ہے-
ھندوستان میں کورونا سے متاثرین کی تعداد بیس ھزار سے زائد ھوگئی ہے جن میں پندرہ ھزار سے زائد ایکٹیو کیسز ہیں جبکہ تین ھزار دو سو تھتر مریض صحتیاب ھو چکے ہیں- ھندوستانی محکمہ صحت کا کھنا ہے کہ کورونا سے اب تک چھے سو تین لوگ اپنی جان سے ہاتھ دھو چکے ہیں -
اس درمیان ھندوستان میں بھت سے مریضوں میں کورونا کی علامات ظاھر نہ ھونے کی وجہ سے انتظامی اداروں میں کافی تشویش پائی جا رہی ھے-
ھندوستانی حکام کا کھنا ہے کہ ملک کی دس ریاستوں میں اوسطا سڑسٹھ فیصد مریض ایسے ہیں جن میں کورونا کی علامتیں ظاھر ھی نھیں ھو پاتیں جبکہ وہ اس وائرس سے متاثر ھوئے ھوتے ہیں-
ماھرین کا کھنا کہ مریضوں میں کورونا کی علامتیں ظاھر نہ ھونے کی وجہ سے بڑے پیمانے پر یہ بیماری پھیل سکتی ہے۔
ھندوستان میں جھاں مرکزی اور ریاستی حکومتیں اس بات پر غور کررھی ہیں کہ تین مئی کے بعد ملک گیر لاک ڈاؤن کی مدت میں توسیع نہ کی جائے وہیں ڈبلیو ایچ او نے خبردار کیا ہے کہ کورونا بیماری کے دوران احتیاطی تدابیر برقرار رکھنا ضروری ہے۔
ڈبلیو ایچ او نے اپنے بیان میں کھا ہے کہ جلد بازی میں اٹھایا گیا کوئی بھی قدم کورونا کےپھیلاؤ میں اضافہ کرسکتا ہے -
دوسری طرف پاکستان میں بھی کورونا وائرس تیزی سے پھیل رھا ہے اور پاکستانی میڈیا نے اس رفتار کو تشویشناک قرار دیا ہے-
پاکستانی میڈیا کے مطابق پورے ملک میں کورونا سے متاثرین کی تعداد ساڑھے نو ھزار سے دو سو تجاوز کر گئی ہے جبکہ مرنے والوں کی مجموعی تعداد ایک سو ستانوے تک پھنچ چکی ہے-
پاکستانی میڈیا کا کھنا ہے کہ گذشتہ دو تین روز میں کورونا کے کیسز میں مزید تیزی کے ساتھ اضافہ ھوا ہے اور اموات کی شرح بھی بڑھی ہے - بیس اپریل کو پورے پاکستان میں ایک ھی دن میں کورونا سے چوبیس اموات ھوئی تھیں -
پاکستان میں فلاحی کاموں کے لئے شھرہ آفاق ادارے ایدھی فاؤنڈیشن کے سربراہ فیصل ایدھی میں بھی کورونا وائرس کی تشخیص ھوئی ہے-
پاکستانی میڈیا کا کھنا ہے کہ فیصل ایدھی اس وقت اسلام آباد میں ہیں جبکہ ان کے ٹیسٹ کی جو رپورٹ سامنے آئی ہے وہ بھی اسلام آباد کے ہی اسپتال کی ہے- فیصل ایدھی کے بیٹے سعد ایدھی نے بتایا کہ اسلام آباد میں وزیر اعظم عمران خان سے ملاقات کے ایک روز بعد ھی فیصل ایدھی میں کورونا کی علامات ظاھر ھوئیں -

Add comment