عراق اور شام میں سرگرم تکفیری دھشت گرد گروہ داعش کے سابق سرغنہ ابو بکر البغدادی کا معاون ھلاک ھوگیا ہے۔
فارس خبر رساں ایجنسی کی رپورٹ کے مطابق عراق کی انسداد دھشت گردی فورس نے ایک بیان میں کہا ہے کہ داعش دھشت گرد گروہ کے سابق سرغنہ ابو بکر البغدادی کے معاون معتز نومان عبد نایف نجم الجبوری ایک کارروائی کے دوران ھلاک ھو گیا ہے۔ عراق کی سکیورٹی فورسز کا کھنا ہے کہ ابو بکر البغدای کے معاون کو خصوصی اطلاعات ملنے کے بعد ایک کارروائی کرکے ہلاک کردیا گیا۔
واضح رھے کہ چند روز قبل عبدا لناصر قرداش کی گرفتاری عمل میں آئی۔ ابوبکر البغداد کی ھلاکت کے بعد جن لوگوں کو اس کا جانشین نامزد کیا گیا تھا ان میں عبدالناصر قرداش کا نام بھی شامل تھا۔ داعش کا سرغنہ ابو بکر البغدادی چھبیس اکتوبر دوھزار انیس میں شام کے شھر ادلب میں امریکی ھیلی کاپٹروں کے حملے میں ھلاک ھوا تھا۔
قرداش کی گرفتاری ایسے وقت میں عمل میں آئی ہے کہ جب عراق کی عوامی رضارکار فورس کے جوانوں نے رمضان المبارک کے آغاز سے اب تک ملک کے مختلف صوبوں میں داعش کے خلاف پچاس سے زائد آپریشن انجام دیئے ہیں۔ عراق کی عوامی رضاکار فورس کے ترجمان کا کھنا ہے کہ یہ آپریشن اور کارروائیاں دھشت گردوں کے خاتمے تک جاری رھیں گی۔

Add comment