ایران کی انجمن ھلال احمر کے ترجمان نے کہا ہے کہ یمن کے دارالحکومت صنعا میں ستّر بیڈ کے ھسپتال کی سرگرمیاں جلد ھی دوبارہ شروع کر دی جائیں گی۔
محمد نصیری نے اتوار کے روز ایک پریس کانفرنس میں کہا ہے کہ صنعا میں یہ ھسپتال، دو ھزار نو میں انسان دوستانہ سرگرمیوں کے پانچ برس بعد سیکورٹی مسائل کی بنا پر بند کر دیا گیا تھا جو یمن کے محکمہ صحت کے حکام کے ساتھ ایران کی وزارت خارجہ کے عھدیداروں کی بات چیت اور ھم آھنگی کے بعد جلد ھی دوبارہ شروع کر دیا جائے گا۔
سعودی عرب نے امریکہ اور بعض دیگر ملکوں کی حمایت اور متعدد ملکوں کے ساتھ اتحاد قائم کر کے مارچ دو ھزار پندرہ سے اس ملک کو وحشیانہ جارحیت کا نشانہ بنانے کے علاوہ اس ملک کا مکمل محاصرہ کر رکھا ہے۔ گذشتہ پانچ برس کے دوران متحدہ عرب امارات اور امریکہ کو چھوڑ کر سعودی اتحاد کے تمام ممالک اس اتحاد سے باھر نکل چکے ہیں جبکہ جنوبی یمن میں سعودی عرب اور متحدہ عرب امارات کے درمیان بھی رسہ کشی جاری ہے۔
واضح رھے کہ یمن پر سعودی اتحاد کی جارحیت کے نتیجے میں اب تک دسیوں ھزار بے گناہ یمنی شھری شھید و زخمی اور لاکھوں دیگر بے گھر ھو چکے ہیں اور اقوام متحدہ نے اپنی رپورٹ میں کروڑوں یمنی شھریوں کے قحط و بھوک مری سے دوچار ھونے اور بدترین انسانی المیہ رونما ھونے کی بابت سخت خبردار کیا ہے۔

Add comment