اسرائیلی میڈیا نے اعتراف کیا ہے کہ مغربی کنارے یا ویسٹ بینک کے کچھ علاقوں کے اسرائیل میں الحاق کے منصوبے پر صھیونی وزیر ا‏عظم اور وزیر جنگ کے درمیان شدید اختلافات پیدا ھوگئے ہیں ۔
اسرائیل ھیوم اخبار نے رپورٹ دی ہے کہ صھیونی وزیر اعظم بنیامن نتن یاھو نے وزیر جنگ بنی گینٹز سے کہا کہ اگر ان کی پارٹی نے ویسٹ بینک کے منصوبے پر عمل درآمد کی مخالفت کی تو وہ کابینہ کو تحلیل کرنے اور دوبارہ انتخابات کرانے پر مجبور ھو جائیں گے۔
اخبار نے لکھا کہ نتن یاھو نے گینٹز کے ساتھ اپنے حالیہ اجلاس میں اس بات پر بارھا تاکید کی ہے، خاص طور پر اس لئے بھی کہ سینچری ڈیل نامی ٹرمپ کے منصوبے پر عمل در آمد کے لئے امریکا کو صھیونیوں سے اتحاد کی ضرورت ہے۔
نتن یاھو نے ویسٹ بینک کے اسرائیل میں الحاق کے منصوبے پر عمل در آمد کا اعلان کیا ہے اور کہا ہے کہ اس پر عمل در آمد کے علاوہ اور کوئی چارہ نھیں ہے۔ انھوں نے کہا کہ اگر گینٹز اس حوالے سے اپنے رخ پر قائم رھے تو پھر وسط مدتی انتخابات کرانے کے علاوہ کوئی چارہ نھیں بچے گا۔
گینٹز کا کھنا ہے کہ ویسٹ بینک کے کچھ علاقے کے اسرائیل میں الحاق کے منصوبے پر تبھی عمل در آمد کیا جائے جب اسرائیل کا دو سال کا بجٹ منظور ھو جائے۔
نتن یاھو صرف ایک سال کا بجٹ منظور کرنا چاھتے ہیں تاکہ ان کے پاس پارلیمنٹ کی تحلیل کا موقع رھے۔

Add comment