پاکستان میں وزیر اعظم عمران خان نے ایک بار پھر سخت لاک ڈاؤن کی مخالفت کی ہے۔
پاکستانی میڈیا ذرائع کے مطابق وزیر اعظم عمران خان نے اسلام آباد میں ایک پریس بریفنگ میں کہا کہ اگر صوبوں نے لاک ڈاؤن سے پہلے ان سے پوچھا ھوتا تو وہ اس طرح کا لاک ڈاؤن ھرگز نہ ھونے دیتے۔ انھوں نے کہا کہ لاک ڈاؤن سے پہلے یہ دیکھنا ضروری تھا کہ اس سے معاشرے پر کیا اثرات مرتب ھوں گے۔
عمران خان نے کہا کہ یورپ کی دیکھا دیکھی پاکستان میں بھی لاک ڈاؤن کردیا گیا جبکہ یورپ اور پاکستان کے حالات میں بہت فرق پایا جاتا ہے۔ انھوں نے کہا کہ ان کے ملک میں لاک ڈاؤن کے باعث سروس سیکٹر تباہ ھو گیا، رستوران، شادی ھال اور کاروباری مراکز بند کر دئے گئے۔ عمران خان نے کہا کہ لاک ڈاؤن میں غریب عوام کو بھوک اور افلاس سے بچانا ضروری ہے۔ انھوں نے احساس کیش پروگرام کو سیاست سے پاک اور قابل تعریف قرار دیتے ھوئے کہا کہ وہ مستحقین میں پیسے تقسیم کرنے کے لئے لاڑکانہ گئے تھے تو وھاں دیکھا کہ جھابڑی والوں کا کام بھی بند کردیا گیا۔
انھوں نے کہا کہ وہ یہ سمجھنے سے قاصر ہیں کہ جھابڑی والوں کو کیوں بند کیا گیا۔ عمران خان نے کہا کہ اگلا مھینہ مشکل ہے، اس لئے اسمارٹ لاک ڈاؤن کرنا ہے اور غریب عوام کو بھوک اور افلاس سے بچانا ہے۔

Add comment