عراق کی عوامی رضا کار فورس الحشدالشعبی کے کمانڈر نے کہا ہے کہ امریکہ اور اس کے اتحادی، حشدالشعبی سے انتقام لینے کے درپے ہیں۔
فارس خبر رساں ایجنسی کی رپورٹ کے مطابق عراق کی عوامی رضا کار فورس الحشدالشعبی کے کمانڈر علی الحسینی نے کہا ہے کہ بعض عرب اور یورپی ممالک، ذرائع ابلاغ میں پروپگنڈوں اور فتنہ و فساد کے ذریعے حشدالشعبی کو کمزور کرنا چاھتے ہیں اس لئے کہ حشدالشعبی نے عراق کے حصے بخرے کرنے سے متعلق ان کی سازش کو ناکام بنا کر دھشتگرد گروہ داعش کا اس ملک سے خاتمہ کردیا۔
حشدالشعبی کے کمانڈر علی الحسینی نے عراقی حزب اللہ کے جوانوں کی گرفتاری اور رونما ھونے والے حالیہ واقعات کی جانب اشارہ کرتے ھوئے کہا کہ گزشتہ 3 روز سے حشدالشعبی کے خلاف بعض عرب اور یورپی ممالک نے ذرائع ابلاغ میں جنگ شروع کی ہے اور حشدالشعبی کے خلاف من گھڑت اور جھوٹے دعوے کر کے استقامتی محاذ کے جوانوں کے خون کو پامال کرنا چاھتے ہیں۔
علی الحسینی کا کہنا تھا کہ امریکہ کی تمام سازشیں ناکام ھو جائیں گی اور غاصبوں اور جارحین کو اس ملک سے بالآخر نکلنا پڑے گا۔
واضح رھے کہ دھشتگرد امریکی فوجیوں نے انسداد دھشتگردی فورس کی حمایت سے چالیس بکتر بند گاڑیوں کے ھمراہ بغداد کے الدورہ علاقے میں قائم حزب اللہ عراق کے دفتر پر حملہ کرکےاس تنظیم کے 13 جوانوں کو اغوا کر لیا۔ جس کے بعد الحشد الشعبی کے جوان بغداد کے انتھائی سیکورٹی والے علاقے گرین زون میں داخل ھوگئے اور خبردار کیا کہ اگر حزب اللہ کے اغوا کئے گئے جوانوں کو رھا نہ کیا گیا تو وہ دھشت گرد امریکیوں کے خلاف ھمہ گیر جنگ شروع کردیں گے۔

Add comment