مسجد الاقصی پر انتھا پسند صھیونیوں کے حملے کے بعد اطراف کے علاقوں میں سخت کشیدگی پھیل گئی ہے۔
فلسطین انفارمیشن سینٹر کی رپورٹ کے مطابق درجنوں انتھاپسند صھیونیوں نے پیر کی صبح صھیونی پارلیمنٹ کے سابق رکن موشے فیگلن کی سرکردگی میں مسجد الاقصی پر حملہ کیا ہے۔
صھیونی انتھا پسندوں کا یہ ٹولہ ، باب المغاربہ کے راستے مسجد الاقصی میں داخل ھوا اور اس مقدس مقام کی بے حرمتی کا ارتکاب کیا۔اس موقع پر مسجد الاقصی میں موجود نمازیوں نے سخت احتجاج کیا اور اللہ اکبر کے نعرے لگا کر، انتھا پسندصھیونیوں کے خلاف اپنے غم و غصے کا اظھار کیا۔
صھیونی فوج انتھاپسند صھیونیوں کے اس ٹولے کی حفاظت کر رھی تھی۔دوسری جانب ، صھیونی فوجیوں نے فلسطینی نمازیوں اور طلبا کو باب الاسباط کے ذریعے مسجد الاقصی میں داخل ھونے سے روک دیا۔ایک اور اطلاع کے مطابق صھیونی فوجیوں نے مشرقی بیت المقدس کے عیسویہ ٹاؤن پر حملہ کیا اور متعدد سڑکوں اور گلیوں کی ناکہ بندی کر دی ہے۔
اسرائیلی فوجی مغربی کنارے کے فلسطینیوں پر دباؤ بڑھانے کے لیے اکثر ان کے گھروں پر حملے اور نوجوانوں کو گرفتار کرکے لے جاتے ہیں۔

Add comment