صھیونی ذرائع ابلاغ نے، جو تھران میں انتفاضہ فلسطین کی حمایت میں منعقدہ کانفرنس پر توجہ مرکوز کئے ھوئے ہیں، اس بات کا اعتراف کیا ہے کہ تھران کانفرنس اس سے قبل کی کانفرنسوں کے مقابلے میں زیادہ وسیع پیمانے پر منعقد ھوئی ہے۔
صھیونی ذرائع ابلاغ کے حوالے سے المیادین ٹی وی نے رپورٹ دی ہے کہ انتفاضہ فلسطین کی حمایت میں تھران کانفرنس جو منگل کو شروع ھوئی ہے، بے مثال رھی ہے جس میں اسلامی مزاحمتی تحریک حماس اور جھاد اسلامی فلسطین کے حکام اور خصوصی وفود سمیت اعلی سطح کے اسّی وفود نے شرکت کی ہے۔
صھیونی ذرائع ابلاغ نے اس بات کا ذکر کرتے ھوئے کہ اس کانفرنس میں رھبر انقلاب اسلامی آیت اللہ العظمی سید علی خامنہ ای نے اسرائیل کے وجود کے خاتمے کی ضرورت پر تاکید کی ہے، رپورٹ دی ہے کہ اس میں شک نھیں کہ فلسطین کے بارے میں اس سے قبل کی کانفرنسوں کے مقابلے میں انتفاضہ فلسطین کی حمایت میں منعقدہ چھٹی کانفرنس کے زیادہ وسیع اثرات مرتب ھوں گے۔
صھیونی ذرائع ابلاغ نے اعلان کیا ہے کہ رھبر انقلاب اسلامی نے اپنے خطاب میں فرمایا ہے کہ تیسری انتفاضہ، صھیونی حکومت کے لئے ایک اور شکست پر منتج ھو گی اور عنقریب تاریخ سے صھیونی حکومت کا ناپاک وجود ختم ھو جائے گا۔
ان ذرائع ابلاغ نے کھا ہے کہ رھبر انقلاب اسلامی نے فلسطینیوں میں اتحاد کی ضرورت پر تاکید فرمائی ہے اور فلسطینیوں کی مزاحمتی تحریکوں کی حمایت کو واجب قرار دیا ہے۔
قابل ذکر ہے کہ دنیا کے اسّی ملکوں کے حکام اور اھم شخصیات کی شرکت سے تھران میں انتفاضہ فلسطین کی حمایت میں چھٹی دو روزہ بین الاقوامی کانفرنس منگل کے روز رھبر انقلاب اسلامی آیت اللہ العظمی سید علی خامنہ ای کے عظیم خطاب سے شروع ھوئی تھی۔

Add comment