بحرین کی شاھی حکومت کے سیکورٹی اھلکاروں نے ایک بار پھر آمریت مخالف مظاھرین کو تشدد کا نشانہ بنایا ہے۔
ذرائع کے مطابق دارالحکومت مغربی منامہ کے علاقے نویدرات کے لوگ عبداللہ العجوز نامی ایک نوجوان کے مارے جانے کے خلاف مظاھرہ کر رھے تھے۔
پولیس نے مظاھرین کے خلاف ربڑ کی گولیاں چلائیں، پیلٹ گن کا استعمال کیا اور زھریلی آنسو گیس کے گولے بھی داغے جس کے نتیجے میں متعدد افراد کے زخمی ھونے کی خبر ہے۔بحرین کی شاھی حکومت کے سیکورٹی اھلکاروں نے متعدد مظاھرین کو گرفتار بھی کر لیا۔
قابل ذکر ہے کہ بحرین کی شاھی حکومت کے سیکورٹی اھلکاروں نے اکیس سالہ نوجوان عبداللہ العجوز کو پیر کے روز حراست میں لینے کے بعد سر اور سینے میں گولیاں مار کر شھید کر دیا تھا۔بحرین کے عوام نے اسے مذکورہ نوجوان کی شھادت کو ماورائے عدالت قتل قرار دیا ہے۔
بحرین کی شاھی حکومت کے سیکورٹی اھلکاروں نے گزشتہ ھفتے نویدرات کے علاقے پر حملہ کر کے بیس افراد کو گرفتار بھی کیا تھا۔بحرین میں فروری دوھزار گیارہ سے سعودی عرب کی حمایت یافتہ شاھی حکومت کے خلاف عوامی تحریک جاری ہے۔
بحرین کے عوام ملک پر مسلط خاندانی آمریت کے خاتمے اور مکمل جمھوری حکومت کے قیام کا مطالبہ کر رھے ہیں۔بحرین کی شاھی حکومت عوام کے جائز اور جمھوری مطالبات پورے کر نے کے بجائے، سعودی عرب کے فوجیوں کے ساتھ مل کر پرامن عوامی تحریک کو کچلنے کی کوشش کر رھی ہے۔

Add comment