رھبرانقلاب اسلامی نے فرمایا ہے کہ نماز کے ذریعے ھم اپنے باطن اور روح کو پاکیزہ بنا سکتے ہیں اور خود کو گناھوں سے دور کرسکتے ہیں -
رھبرانقلاب اسلامی آیت اللہ العظمی سید علی خامنہ ای نے نماز سے متعلق اٹھائیسویں آل ایران اجلاس کے نام اپنے پیغام میں فرمایا کہ عظیم الھی نعمتوں میں جن کا کوئی بھی شخص احصار اور شمار نھیں کرسکتا ہے بعض (نعمتوں) کا اپنا خاص اور ممتاز مقام ہے جو اھل فکر و نظر کو حیرت میں ڈال دیتی ہیں اور انھی حیرت انگیز نعمتوں میں سے ایک نعمت، نماز ہے -
رھبرانقلاب اسلامی نے فرمایا کہ خداوندعالم نے یہ نعمت ھمیں عطا کی ہے تا کہ ھم اس سےاپنی روح اور باطن کو پاک و پاکیزہ بنائیں اور انسانی تعلقات کو معنویت سے سرشار کرکے معاشرے کو امن و خوشحالی اور ذھنی سکون عطا کریں اور ھر طرح کے چیلنجوں اور مشکلات سے دور کریں -
رھبرانقلاب اسلامی نے فرمایا کہ یہ ھدیہ ھمیں ایک فرض اور واجب کی شکل میں دیا گیا ہے تاکہ معاشرہ اس کی کم سے کم برکتوں سے بھی محروم نہ رھے -
رھبرانقلاب اسلامی آیت اللہ العظمی سید علی خامنہ ای نے فرمایا کہ یہ اتنا عظیم و غیر معمولی ھدیہ ہے جو انتھائی ناچیز مالی قیمت اور بھت ھی کم وقت صرف کرکے ھمیں مل جاتا ہے حقیقت میں اس پر اللہ کا جتنا بھی شکر ادا کیا جائے کم ہے -

Add comment